مش بالكلام (9 ترنيمة )

1- (دايماً تسمع لصلاتي قلبك شاعر أناتي
قبل ما أجيلك واحكيلك ألقاك تسمع لآهاتي)2
وتجاوب على صرخاتي تنقذني في وقت ضيقاتي
وفي لحظة لما أناديلك ألقاك تسرع لنجاتي
2- (عالم كل احتياجاتي رغم همومي وحساباتي
أرفع قلبي واصليلك وألقاك عارف طلباتي)2
و بتشهد كل حياتي قصة عمري وحكاياتي
عن نعمة وخير ومراحم في ماضيَّ وعمري الآتي
3- (ما في يوم طولت عليَّ إلا وقصدك خير ليَّ
ثقتي في قلبك يا فاديَّ مليان رحمة وحنية)2
ده كفاية عليَّ وجودك لما أصرخلك بوعودك
مش عايز حد سواك يا محلي الغربه بجودك

1- (عايز أحبك بجد مش بالقول والكلام
ولا يبقى في قلبي حد أبقى لك بالتمام)2
(ده أنا ياما قُلت إني بحبك وقلبي مش معاك
وياما شهدت عن حُبك والفكر بعيد هناك)2
2- (عايز أرنم وأعيش كل الكلام اللي أقوله
والفرحه ما تنتهيش في الغربة الليل بطوله)2
(ده أنا ياما هتفت بلساني وقلبي بينزف دموع
والضعف في قلبي قسّاني وعشش بين الضلوع)2
3-(عايز أدوب في الكتاب وأعيش بين السطور
وأرتاح أنا من عذاب البعد والفتور)2
(ده أنا ياما مسكته بأيدي وما حسش قلبي بيه
وياما قريته بعيني وما عِشتش باللي فيه)2

القرار- (اللي يجيلك ربي حالاً راح يلاقيك
يلقى محبة ونعمة وخير من مِلء إيديك)2


1- يشبع بيك يتلذذ تفتح له أحضانك
ينسى الوقت معاك ياربي ما أحلى كلامك
تكشف فكرك ربي وتعلن ذاتك ليه..ده اللي يجيلك
2- تفتح ذهنه ويعرف ازاي قلبك حَبُّه
مُت وكانت كُلفة وصرت خطية لأجله
كل غِناك يبقى له وتملا الغربة عليه..لما يجيلك
3- يمسك بيك يتعلق عارفك هاتنجيه
مهما إن كان الضيق واثق في غلاوته عليك
والمواعيد إن طالت لازم تيجي أكيد..بس يجيلك

1- (أنا مش مستني مديح ولا خايف م التجريح
مش هاسمع للإنسان لو حتى كلامه مريح)2
القرار – (أنا هدفي أعيش بأمانه وأشهد عن حب يسوع
لو عِشت لنفسي خيانة أنا هدفي أعيش ليسوع)2
2-(لو فيه كلمات إعجاب أو لوم وكلام بعتاب
أو حتى كلام جذاب باطل وفي نظري سراب)2
3- (أنا عِشت سنين مخدوع وما بين أفراح ودموع
مشغول بكلام الناس وكياني معاه مدفوع)2

1- (قُمت والظلام باقٍ أبحث عن الحبيب
قُمت في قلبي اشتياقٌ في يدي للكفن طيب)2
(قمت ناديت وبكيت أين وضعتوا ربي الحبيب؟
أجابني صمت الموت يبدو كأنه لا مجيب)2

القرار: (لم انشغل بثِقل الحجر لم انشغل بأني بشر
كان انشغالي بأنك حملت عنّي كل شر
لم أرهب ظلام القبور والحرس والناس تثور
كان إيماني بأنك لك سيدي في الموت مفر)2

2- (لم أجدك لكني صرخت أخبرني أين ذهبت؟
لست وسط الموت أنت، أنت حيٌ أنت قمت)2
(كنت أظنك تبتعد لكنك في القلب سكنت
قُمت تجيبني بالوعد قُمت معك حين قُمت)2

القرار- (يا عَالِم الأحوال قادر تريح بال المتكلين عليك
نرمي عليك أحمال ترشدنا في الترحال ويزيد إيماننا فيك)2

1- ما انت اللي عارف ضعفنا وانت اللي كاشف عجزنا
رغم اللي فينا بتحبنا ما احنا غاليين عليك
2- وانت الصديق ما بتهملنا طول الطريق بتحملنا
وفي كل ضيق تشكلّنا كل اتكالنا عليك
3- خلينا نحيا أيامنا شايفينك انت قدامنا
وسلوكنا من قبل كلامنا يِمجدك يا مَليك

(أمسك بوعده وشدد أيديك صدق كلامه وسط العيان
ده مين هايقدر يكون عليك وأنت في صفك رب الأمان)2
القرار- لا يمكن يا مؤمن تجاهد وأنت لسه في قلبك محبة غريبة
وعينيك في أحيان كتيرة تتوه وتنسى اللي حبك محبة عجيبة
2- (قوله:"ياربي دربني أضحي بكل غالي مهما يكون
وأنا باجاهد كله هايرخص "واثق تعوّض ده أنت الحنون)2
3- (جاهد في خدمة موضوعة ليك سيدك واضعها قبل الزمان
نفسه تتمم قصده ومشيئته وسط سلوكك حلاوته تبان)2

(أبحث عن كلمات أقوى من الكلمات)2
(تُفصح عما بقلبي نحو إلهي وربي)2
تسمو بوصف جماله تعلو لحد كماله
لا أجد الكلمات لا أجد الكلمات
(أبحث عن نغمات أحلى من النغمات)2
(أعزف فيها لربي لحن سجودي وحبي)2
ترقى في سُبح جلاله تُثمر بعد مجاله
لا أجد النغمات لا أجد النغمات
(أنتظر اللمسات من لدن السماوات)2
(ترفع فكري وروحي تعلن مجد مسيحي)2
يغمر كل كياني يملأ كل جناني
أنتظر اللمسات أنتظر اللمسات

القرار- (قوم نادي للتعابى بالتوبة والرجوع
وقرب من الغلابة وعرفهم يسوع)2
1-(كلمهم عن يسوع صلي لهم بالدموع
بحياتك أشهد له وبصوتك المسموع)2
2- (قوم نادي وقول لهم ده مات من أجلهم
وزي ما غيرك جاهد في ربحهم)2
3-(قوم نادي بكلمته بحنانه بمحبته
ولا خوفك يمنعك ده الكل بنعمته)2
4-(من قلبك حبهم وقدر ذُلهم
وتمم خدمتك بحياتك وسطهم)2