مع إن (10 ترنيمة )

١- أنا ليَّ دور في الأرض عايش باعمِله
أنا ليَّ واجب باسعى لأجل ما أكمله
في الضِل ماشي أو في بؤرة الأضواء
ليَّ وطن باحيا سفيره وأمثله

القرار – (ملكي يسوع المسيح .. ربي يسوع المسيح
راية انتصاري سبب افتخاري .. إني من شعب يسوع المسيح)٢

٢- الله شايفني والملائكة والبشر
في السفر بيسجِّل تفاصيل الحياة
ورد فعلي في البراح أو في الخطر
يعكس إيماني والأمان اللي في حماه
٣- عمري هنا فترة وهاتخلَص عن قريب
قِصرت ولا طالت أنا برضه غريب
أما الوطن هو الرجاء المنتظر
وهاشوُف يسوع ويمتلي بجماله النظر

١- (بنتولد و جوه منا فراغ.. نعيش العمر بنجاهد عشان نملاه)٢
ويرجع العاقل.. بعد الترحال والسفر.. وبعد خبرات الحياة
عارف إن الفراغ ده.. هو احتياجنا إليك.. هو احتياجنا إليك يا الله

القرار- (يا الله.. افتح لنا من السماء.. طاقة نشوف نورك
يا الله.. زرنا أيا رحيم.. شرفنا بحضورك)٢
يا الله.. اكسر حواجز فهمنا أو حِسِّنا.. وافتح بصيرتنا
دي رحمتك يا إلهنا.. أفضل من الحياة

٢- يارب أذكر بلدنا.. شعبك في حاجة إليك
مش محتاجين غير ليك

١- (الله بيدعمني ويسندني .. وف وقت الأزمة بينجِدني
وإن كان وارد أتوه في السكة .. ألاقيه يناديني ويرشدني)٢

القرار- (مش حاجة تطمن؟ طبعاً طبعاً بتطمِّن
والجاي متأمن؟ طبعاً طبعاً متأمِّن)٢
(يبقى أنا كيف أتوكَّل على إنسان؟
و إزاي أحزن لو فارقوني الأعوان؟)٢
وإذا كنتم شايفني وحدي .. أنا مش وحدي
(ده اللي معايا .. اللي معايا .. اللي معايا سيد الأكوان)٢
٢- [(ماتقولش كثيرة وقليلة .. لا تُعدم من يده وسيلة)2
شايل أركان الكون كله.. وعارفها بأصغر تفصيلَة]2

١- [(وبفرض إنها أيام صعبة .. والناس تعبانة ومضطربة)٢
ما أنا عارف والرب شارحها .. ومسمِّيها زمان الغربة]٢

القرار- (وأنا هاعمل كل اللي عليَّ .. هاثبَت على موقفي ومكاني
وهانوَّر ليلي بأغنية.. تِعلن في الضيقة إيماني)٢

٢- [(ولا عمري أكابر على ضعفي .. ما أنا عارف حدّي وقدراتي)٢
عارف برضه اللي في صفي .. الله السامع لصلاتي]٢
٣- [(واللي ما صطادش الليل كله .. راجع بيجَرجِر في ذُلُّه)٢
لو سِمع النعمة هاتقوُل له .. وتِدلُّه يصير كأسُه ريّا]٢

١- (إفتح بصيرتي إلهي مشتاق بروحي أشوفك
إفتح بصيرتي أعاين مجدك ونورك)٢
القرار - ولما أغني قدوس قدوس لما أغني قدوس قدوس
قداستك تغمرني وحضورك السامي يحاوطني
٢- (إفتح بصيرتي إلهي أشوف صليبك الغالي
وأطرح شروري وذنوبي وكل أحمالي)٢
٣- (إفتح بصيرتي في الروح أشوفك متوج وحدك
وتصغر في عيني كل الأمور قدام مجدك)٢

١- (مع إن مافيش حاجة تطمن وأنا مش مسنود ولا متحصن
والدنيا مليانة مشاكل والعالم أخباره بتحزن)٢
القرار – أنا هافرح بالرب وأهتف وأرنم وأرقص وأصقف
وهاعيش كده كده كده كده فرحان وفرحي لا يمكن يتوقف
أنا هافضل طول عمري أغني.. وأرنم وأردد لحني
وهاعيش كده كده كده كده فرحان ده وجود الرب مفرحني.. مفرحني
٢- (مع إن ماليش مركز عالي وأنا مش مسنود على أموالي
وبتحصل أزمة ورا أزمة والناس في السوق بتبيع غالي)٢ لكن
٣- (مع إني باعيش عيشة بسيطة ولا فيه واسطة ولا تظبيطة
وظروفي الصعبة بتحرجني وأنا متورط كذا توريطة)2 لكن

١- ليه! ... خايف من بكره ليه؟
ده الله ما بين إيديه شايلك وعليك عينيه
قوم ... أنفض كل الهموم
ده الرب يبارك عبيده في الصحو أو في النوم
القرار – (ما هو لينا الحق نعيش اليوم بيومه
نتمتع بعطايا الرب وسلامه)٢
ده الخير مش جاي من أحلى ظروف
ولا شيء في الكون يحمي من الخوف
(غير إيماننا)2 بالله وكلامه
٢- فوق ... وإرفع عينيك لفوق
تلقى بشارة شروق على اللي إنت فاكره ليل
عيش ... زي الكتاب ما قال
ده الوعد مش خيال هو الزاد والدليل

١- (أنا إيه حصل لي! إيه حصل لي؟ لا قادر أرنم ولا قادر أصلي!)٢
وكأني في زنزانة ضلمة لا نور بيخرج ولا نور واصل لي
القرار – (يا رب الأمان والحب يا طبيب الأطباء
يا كاشف خبايا القلب أنا أحوالي صعبة)٢
إن كان التهاون خدني أو خدعة عدو بعدتني
رد لي بهجة خلاصك ومن سجن الفتور إنجدني
٢- (أنا عايز أعود لك وأرجع لحضنك مالهاش أي معنى حياتي من غيرك)٢
أنا مش دم ولحم وبس أنا روح حياتها شعاع من نورك
٣- أرمي بذاتي على أعتابك وبالتواضع أنادي إرحمني
وعشمي فيك تفتح لي بابك وأصلي ليك وإنت تكلمني
يا رب الأمان والحب يا طبيب الأطباء
يا كاشف خبايا القلب.. إرحمني
وإفتح لي بابك.. رد لي بهجة خلاصك

١- بابك المفتوح ربي رحمة بابك المفتوح لي أعظم رجاء
في حضورك المهيب أحتمي وتزول عني أسباب العناء
القرار – (يا له امتيازٍ إن نترك الهموم أمام ربنا الحنون في الصلاة
يا له سلامٍ عظيم كل يوم إن نكون في حضورك يا الله)٢
٢- كم من حزن نحمله بلا معنى حيث لم نأتي به عند يسوع
كم من ذكرى قاسية توجعنا والدواءُ والشفاءُ في يسوع
٣- إنني أحسب نفسي أسعد إنسان حيث لي في حضنه أجد المكان
أأمنُ بالذي قد أوصى أفرحوا لا إجتماع للمسيح مع الأحزان

١- باركنا في الخدمة وإدي روح للكلمة
ومسحه على الترنيم واسكب زيت النعمة
عطشانين لحضورك عطشانين للبركة
ونشوف ناس بتتوب تتحرر م الضلمة
القرار – (يا صاحب الرسالة بالخضوع قدامك
واقفين نطلب وجهك ونقولك خدامك
أرسلنا وسير بينا واستخدم أوانينا
دي دموعنا في ذهابنا تهون طول ما رجوعنا بأغانينا)٢
٢- وأما نواجه ضلمه فينا أو حوالينا
نتسند على وعدك إنك ماشي معانا
إنت النور الباهي والإرشاد من صوتك
إدينا نعرف قلبك كسفراء عن ملكوتك
٣- قدس فينا الداخل والنية والاتجاهات
يبقى الروح العامل روحك مش بحثنا عن ذات
ونشوفك ومجدك نسمع إعلانات
نتلامس مع تعاليمك ونشوف معجزات