1- بالإيمان أنا عايش ليك ياللي ناقشني على كفيك
انت حمايا وخلّي الوحيد ساعدني أحيا عشان أرضيك
انت إلهي راعي وأمين حافظ حياتي طول السنين
فيك الأمان حبك ضمان ده انت فاديَّ وأقوى معين
القرار- ربي مكفّيني ولا يوم يخزيني مصدر أفراحي ونبع سلامي
ماسك بيميني وعده ينجيني مالي حياتي وكلّي أمان
2- خيمة ضعيفة وشدة وضيق بس إنت ليَّ أعظم رفيق
طول المسيرة ليَّ السنيد وليَّ وعدك كل الطريق
مهما الهموم تقدر تطول ألاقي صوتك جنبي يقول
أنا الأمان حبي ضمان وأنا معاك دايماً على طول
3- عمري فات و أنا شُفتك فيه واللي جاي معاك هاقضيه
ما في شيء أنا قلبي عليه ده انت الهدف وأنا باسعى إليه
سلّمت أمري يا رب ليك وليوم ما تيجي أنا ماسك فيك
تفضل أمامي حبّك ضماني ده انت حافظني في نني عينيك
