سفراء عن المسيح (21 ترنيمة )

1-يلّا نعلّي اسم فادينا نهتف مجداً ليك
ياللي اسمك غالي علينا مجداً ليك يا مليك

القرار- (قلبه بيفرح بينا لما نقول تراتيل
مجداً ليك يا فادينا مجداً صبح وليل)2

2-يلّا نقدم أحلى سجودنا لاسم الفادي يسوع
هو حياتنا وسر وجودنا نهتف ليه يا جموع
3-يلّا نسبح نرفع صوتنا نعلن حبنا ليه
مجده هايبقى كل هدفنا ونعمل ما يرضيه

[نفسي أرنم ترنيمة لاسم حبيبي فاديَّ
أُعلّي اسمه فوق فوق فوق ده اسمه غالي عليَّ
(اسم يسوع ي س و ع اسمه غالي أوي وثمين)2
(يعني مخلِّص يا شاطرين اسمه يسوع ي س و ع)2
(ي) يخلَّص من الخطية ...(س) سعادته دي حقيقية
(و) واثقين فيه مية المية...(ع )عطانا حياة أبدية
(اسمه يسوع)2.. اسمه الفادي يسوع
(اسمه يسوع)2.. اسمه الفادي يسوع]2

القرار - ربي بيفرح لما بارنم وأرفع صوتي إليه
ربي بيفرح لما بأقدم شكري وحمدي إليه
(قلبي بالتهليل يسبح قلبي بالتسبيح يهلل ليك يا ربي يسوع )2
1-(علشان كده يا حبيبي يسوع أقبل حمدي والتسبيح
أنا جايلك وبكل خشوع أهدي لاسمك أحلى مديح)2
2-(ويا يسوع أفراحي تدوم بالترنيم أفراحي تزيد
لما أرنم طول اليوم قلبي هايفرح وأبقى سعيد)2
3-(غني يا قلبي بالألحان وأرفع صوتك وأهتف قول
أنا بيسوع دايمًا فرحان هو نشيدي هنا على طول)2

القرار- (صغير أو كبير في الأرض انت سفير)2
في مدرستك سفير في البيت انت سفير
في الشارع والكنيسة برضه انت سفير

1-(روح قول للناس تعالوا تعالوا للمسيح
واللي هَاييجي له حالاً من حمله يستريح)2
2-(روح قول للناس تعالوا من ظلمة الخَطا
أولاد النور هاتبقوا ووطنكم في السَما)2
3-(روح قول للناس تعالوا أفراحكم راح تزيد
وياه العيشة حلوة ورجانا فيه أكيد)2

1-يا مؤمن اشهد وسط العالم خبَّر وأحكي بلدك فين
مجد وفرحة وهنا في بلادك عمره ما شافته العين

القرار- أرفع صوتك وأهتف نادي أنا في الأرض سفير لبلادي
واسم مليكها دايماً عالي هايكون اسم مليكنا يسوع

2-سلوكك يبقى حقيقي مراية وكل الناس يبقوا شاهدين
لما يشوفوا إنك فعلاً هنا في الأرض أمين
3-أشهد نادي قول ده الفادي قال يا عبادي أنا جاي قوام
واللي هايسهَر يستناني يلقى فرح وسلام

القرار- يالا تعالوا بسرعة نحكي قوام ونخبر نعلن ونذيع الأخبار
نحكي قصة حب الفادي وصلبه عنا وموته فوق صليب العار
لما بنفسه جانا عزى شفى مرضانا بين حبه للأشرار
لما بدمه فدانا لما حمل خطايانا عنا في جسمه وهو البار
1-(هو كمان ورانا السكة ولا هاندور ولا نحتار
اللي يأمن بيه راح يخلص يصبح من ضمن الأبرار)2
(واللي هايرفض أو هايأجل يبقى مصيره وسط النار)2
2-(واللي عرف الرب وآمن تبقى حياته لينا شعار
أعمل وأخدم ربي حبيبي طول ما الدنيا لسه نهار)2
كل حياتي تبقى شهادة ووسط الضلمة أبقى منار)2

القرار- محبة ربي بتدوِّب قلبي دي محبة عجيبة وما ليها نظير
(محبة تحيَّر لما تغيَّر حال العبد فيبقى أمير)2

1-محبة تفيض على كل الناس بيض أو سود كل الأجناس
لما الدم بيجري يطهَّر يدي الكل حياة وخلاص
2-محبة تدوَّر تمشي بعيد مهما نكون للشر عبيد
تفُك الأسر وتدّي النصر تخلّي القلب تملّي سعيد
3-محبة ما يعرف بقيمتها ولا يعرف عظمة كُلفتها
غير من وفّى ديونه يسوع غفر له آثامه بجملتها

1-رب المجد إله الكون بكل جلاله ومجده قدير
بكل تواضع يخفي المجد وييجي في صورة طفل صغير

القرار- (يا يسوع يا يسوع قد إيه حبك عجيب!)2

2-بعظمة مجده وكل غناه ييجي يعيش في الأرض فقير
ياخد حتى مقام العبد ويخدم كل صغير وكبير
3-حبه اتجلّى لينا وبان فوق الخشبة و بالمسامير
لما اتحمِّل كل عقابنا وهب حرية لكل أسير
4-شوف أد إيه حب يسوع قاسى وضحّى عشاننا كتير
يلّا نقدم كل حياتنا بحب شديد نديه تقدير

القرار- مين مين مين صدق هذا الخبر رب المجد العظيم جه ومات عن البشر؟

1-(زي الغنم ضللنا وتوهنا كلنا
لكن بالحب جالنا يجمَّع شملنا)2
(كنا تايهين بعيد بعيد في جهلنا
جه بالحب العظيم علشان يردنا)2
2-(رب المجد السماوي مجده عالي ورفيع
جانا للأرض ناوي يموت يفدي الجميع)2
(وداق مُر العذاب زي العبد المُطيع
عشان يفدي الأثيم ويرفع الوضيع)2
3-(وهناك فوق الصليب آه لو ننظر إليه
لا صورة لا جمال ولا منظر نشتهيه)2
(ولو شُفنا الجراح وسألنا قولنا ليه
لعرفنا إن الآثام وذنوبنا جات عليه)2

1- (اوعى تصدق صوت إبليس لما يقول لك لسه بدري
ما هو قدامك عُمر طويل أفرح وأمرح وألعب وأجري)2
(خلي بالك أصل عدوك ده خاين كداب مكار
عايزك تقضي معاه الأبدية هناك في جهنم وسط النار)2
(اوعى تصدق)3.. (مهما يقول)4..
2- (أسمع صوت الرب ينادي ويقول يلّا اليوم مقبول
يلا أسمع صوته تعال تلقى عنده خلاص وقبول)2
(واللي هايسمَع صوته وييجي راح ينضم مع الأبرار
في السماء راح يقضي الأبدية هناك في سعادة باستمرار)2
(يلّا تعالى)3.. (اليوم مقبول)4..
تعـــــال

(كان في تاجر لآلئ بيدورعلى الكنوز
في يوم شاف لؤلؤة غالية ما يكفيها الفلوس)2
(فكر أزاي بماله إنه يحصل عليها
راح باع كل اللي عنده وصمم يشتريها )2
(وإحنا بالضبط كنا كده في نظر فادينا
لؤلؤة واحدة غالية وصمم يشترينا )2
(مع إن تمنا كان غالي غالي عليه
حبه غلى قيمتنا كبيرة كبيرة في عينيه )2
(وتمنا اللي دفعه لما جه واشترانا
مش ذهب ولا فضة ده مات هو وفدانا )2
(علشان كده حياتنا دي بقت مش ملك لينا
ده أحنا وكل ما لينا ملك ليسوع فادينا)2

1-أحبه فهو أحب أولاً ذاك الحبيب
بشخصه أتى إليَّ معلنًا حبًا عجيب
إذ مات عني طائعًا فوق الصليب
القرار- أحبه أحبه فهو أحب أولاً
2-أحبه فهو أحب خاطئًا رب النجاة
إذ جئته بكل إثمي طالبًا عفو الإله
قال دمائي كافية تعطي الحياة

القرار- (ربي ساعدني علشان أكبر
وأنمو في النعمة أكتر وأكتر)2
1-دايمًا أقدر فعل دماك وأحكي عن موتك وفداك
خطواتي أمشيها وراك عن حبك دايمًا أخبر
2- وفي قلبي بسمع لنداك أنا معاك دايمًا برعاك
وأعرف إن أموري معاك ولا أعول الهم وأفكر
3-تلمع قدام عيني سماك إنك جاي هاتاخدني معاك
وأقضي الأبدية وياك باسمك فرحي يكون أكتر

1-(يا بخت الأولاد والبنات الحلوين بالرب يسوع دايمًا فرحانين)2
(والرب نفسه معاهم يحفظهم ويرعاهم وفي كل حياتهم يبقوا ناجحين)2
يا بخت الأولاد والبنات الحلوين
2-(يا بخت الأولاد والبنات الحلوين بابا وماما دايمًا منهم مبسوطين)2
(بيلاقوا منهم طاعة ومحبة ووداعة وكل يوم بينموا ويبقوا مؤمنين)2
يا بخت الأولاد والبنات الحلوين
3-(يا بخت الأولاد والبنات الحلوين في ديار الرب دايمًا مغروسين)2
(هناك يظهرون وأيضًا يثمرون والناس يقولوا فعلا أولاد الله ظاهرين)2
يا بخت الأولاد والبنات الحلوين

(شوفوا الجندي في جيش يسوع
معروف في وسط الجموع )2
(جندي صالح للجندية جهاده قانوني مية المية )2
ومادام جندي في جيش الله كل حياته
وخوفه رضاه مش مشغول
أو مهتم أبدًا بهموم الحياة

1-(مع ربي يسوع على طول الخط
هامشي زي ما بيقول بالضبط )2
(هامشي فرحان وياه على طول
ده أنا قلبي بحبه بيه مشغول)2
القرار- (وتملي في عيد مع ربي سعيد)3
2-(مع ربي يسوع ولا فيش أحزان
بتأثر فيَّ ومش زعلان )2
(وإن حاول يحاربني الشيطان
مع ربي يسوع يخرج خسران)2
3-(مع ربي يسوع أفراحي تزيد
في الليل في الصبح تملي سعيد)2
(ولساني يرتل بالتهليل
ولا عمره في مرة الفرح قليل)2

القرار- (عمري ما شفت في يوم واحد من بيت الله
منفوخ على أخته وأخوه فخره المركز والجاه)2
1-لأن الكبرياء ديه هي من صفات إبليس
واللي يتكبر زيه مصيره حزين وتعيس
2-وزمان نبوخذ ناصر رفع ملكه وأتكبر
لكنه نال عقابه لما أتعظموأتكبر
3-وكتابنا كمان بيقول الله ضد المتكبر
أما كل متواضع راح يأخذ نعمة أكتر

1-أنا ممسوك في إيدين الراعي ده حتى شايلني على الأكتاف
كل طريقي يقوللي في ضيقي كن مطمن أوعى تخاف
القرار- هو الراعي اللي بيهتم بكل خرافه علينا أمين
مش ممكن أبدًا ينساها ده حتى حافظها في نني العين
2-أنا محفوظ في عناية الراعي وسط الخوف يديني سلام
عينه عليَّ وأيده قوية أكيد يحفظني مدى الأيام
3-أنا متأكد إن الراعي يسد حاجاتي بكل حنان
عند المية مراعي غنية هناك يربضني في اطمئنان

1-دي السكة طويلة طويلة صعبة في أوقات كتير
لما أسأل امتى هانوصل وينتهي المسير
القرار- ده وعدك بيطمني ويخلي قلبي سعيد
إنك قريب مني وتملي مش بعيد
ماسك إيدي وساندني وفي كل يوم جديد
ألمس وجودك جنبي يا سيدي المجيد
2-أمشي ساعتها واثق ورافع راسي فوق
عينيَّ إليك يا ربي وسلامي فوق الفوق
3-ماشي وطول طريقي ألقى دايمًا علامات
بتقوللي السكة خلصت وكل الصعب فات

القرار- (سمعت الصوت بينادي أنا ماشي ورايح لبلادي
وبلادي جميلة جميلة ملكها يسوع الفادي)2
1-(والصوت بيقول يا هنايارايح يتحقق ليَّ منايا
يسوع قال جاي بسرعة والمؤمن هاخده معايا)2
2-(والصوت بيقوليلا تعالوا كل الأمجاد هاتنالوا
ده يسوع راح يقبل ويخلص ولا يرفض أي واحد جاله)2
3-(والصوت بينادي فيه تحذير بيقول إياكم والتأجيل
دي الفرصة ثمينة ثمينة هاتفوت ومافيش ليها بديل)2

1-بعد الرحلة والمشوار هاتبقى الفرحة هناك في الدار
يسوع يجلسنا كمان يخدمنا ويهنينا مع الأبرار
القرار- وجوائز معها مكافآت هناخدها هناك في السماوات
لما ينادينا باسمينا علينا يوزع أحلى هبات
2-يا بختة اللي يتاجر بنجاح بالوزنة يحقق أرباح
ده بإكليله راح يتهنى وهناك تكتر ليه الأفراح
3-واللي هايربح أجره ثمين قد الوزنة هاياخد أتنين
وأحلى وأحلى يسوع هايقول له نعم نعم يا عبد أمين