تعالوا إلى ... تعلموا منى (21 ترنيمة )

ما أجمل ترنيمة بيقولها الأطفال
ده يسوع هايجينا بي ثوب الجلال ونشوفة بعنيننا
ونلبس تيجان ويضمنا لصدرة بكل الحنان
والخاطي يبقى زعلان في الأرض حيران
(وأحنا فرحانين ومُرنمين )2

(يسوع قرب يجينا ويحقق أمانينا
زي ما الكتاب بيقول وده وعده صادق لينا)2
1- (في لحظة في طرفة عين راح نخطف على السحاب
ومع يسوع فرحانين نكون في بيت الآب)2
2- (والخاطي مالوش مكان في الفَرح لكن أحزان
للأبد هايعيش حزين نصيبه مع الشيطان)2
3- (لازم نفضل سهرانين ونبقى في الانتظار
للمجيْ مستعدين في الليل والنهار)2

القرار- (أنا ليسوع ويسوع ليَّ ده ربي الغالي عليَّ)2
1- -1ماحي ذنوبي وكل ألمي ده هو حياتي وحبي
من غيره ماقدرش أعيش والفرحة أبدًا ماتجيش
لكن معاه أفراحي بتكتر وسعادتي بتكبر وبتكبر
وهنايا بيبان في عنيا والدنيا أنوار حواليَّ
ده أنا هاعيش طول عمري أقول
2- -2بحبه من كل قلبي ده هو حياتي وحبي
من غيره ماقدرش أعيش والفرحة أبدًا ماتجيش
لكن معاه أفراحي بتكتر وسعادتي بتكبر وبتكبر
وهنايا بيبان في عنيا والدنيا أنوار حواليَّ
دهأنا هاعيش طول عمري أقول

(صوت رقيق حلو وهادي
صوت جميل علينا بينادي
تعالوا إليَّ تعلموا مني
أيوه ده صوت يسوع الفادي)2
(تعالوا إليَّ تعالوا تعالوا
اللي يجيني أشيل أحماله)2
تعلموا مني لأني وديع
يا بخت اللي ياخدني مثاله

(ربي يسوع حبيبي في قلبه حب كبير
ده هو اللي بيدّيني وحاجاته حلوة كتير)2
وأهم من ده كله لازم أرجع و أقوله
أشكرك يا حبيب من أجل الصليب
لما مُت عشاني لما أخدت مكاني
أظهرت حب عجيب
علشان كده يا ربي باقدم كل شكري
وكل حبي ليك
ساعدني أحبك أكتر
وأكتر وأكتر وأكتر وأعمل ما يرضيك

1- -1 كل ما أفكر إزاي ربي مات علشاني على الصليب
يحتار عقلي وفكري ساعتها قدام الحب العجيب

القرار- ألقى قلبي ومعاه لساني عقلي وفكري وكل كياني
(يهتفوا مجداً سبحاً حمداً شكراً للرب اللي فداني)2

2- -2 كل ما أفكر إزاي دمه سال و غفر كل الذنوب
لما كساني برداء برِّه علشان يستر العيوب

3- -3كل ما أفكر إزاي تاجه كان إكليل من الأشواك
لما أتعذب هو بدالي علشان أنجو من الهلاك

4- -4كل ما أفكر إزاي وعده إنه هاييجي تاني أكيد
أسهر وأثبت وأقضي حياتي قلبي بيه فرحان وسعيد

1- في يوم من الأيام دي عرفت حاجة خطيرة
إن الإنسان مولود بطبيعة شريرة
(وإن الخطية فيَّ مش بس كمان حواليَّ)2
طب هاعمل إيه دلوقتي دي مشكلة كبيرة
2- وعرفت إن مش ممكن أعمالي راح تنفعني
ولا حتى الصلاة والصوم ده عمره ما يحررني
(والعطايا النفيسة ومرواحي الكنيسة )2
ده وحده ماينفعشي مش ممكن هايخلصني
3- دبر ليَّ ربي خطة لخلاصي من الخطية
نجاني من الهلاك ومن العبودية
(لما جه مات وفداني وعطاني خلاص مجاني)2
كل اللي آمن يخلص يأخذ حياة أبدية

1- تعالوا يا أطفال أنا عايز أقول لكم
في خبر جميل يسوع بيحبكُم
هيا يا أطفال تعالوا كلكم
ده حبه عجيب ده مات من أجلكم

القرار- تعالوا تعالوا تعالوا تعالوا كلكم
تعالوا تعالوا تعالوا ده مات من أجلكم

2- ده الرب يسوع ابن الله الحبيب
مات علشان خاطركم على عود الصليب
آمن بيسوع أَمَلَك أبداً ما يخيب
وإن طلبت منه تلاقيه حالاً يجيب

[حقيقي دي كانت لحظة سعيدة حقيقي ده فعلاً كان يوم عيد
لما يسوع جه غيَّر قلبي لما عطاني قلب جديد
أتاري ده ربي واقف مستني على باب قلبي بقاله كتير
بصوته الهادي قال لي أفتح لي هاعمل في حياتك تغيير
عرفت الفرحة لما قبلته جوه في قلبي بالإيمان
(ده هو هنايا وهو منايا هو معايا طول الأيام)2..]2

1- -1(ربي خلقني أنا على صورته وخلق كل الكون
كل الدنيا دي بجمالها بكلمة كن فيكون)2

القرار- ربي خلقني ربي فداني ربي ماسكني أنا بإيديه
(قلبي وعقلي وكل كياني ولساني بيسبحوا ليه)2

2- -2(ربي فداني أنا بصليبه واتحمِّل العار
حبني رغم آثامي وشرّي أنقذني من النار)2
3- (ربي ماسكني أنا بإيديه مالي حياتي أمان
وبيرعاني بكل طريقي ويعزيني كمان)2

ربي يسوع بيحبنا عشان كده أنا قلبي سعيد
ربي يسوع مات عنِنا حبه شديد حبه شديد
ربي يسوع جاي تاني لينا وعده أكيد وعده أكيد
شوفوا المحبة جه من علاه نزل عشانا إحنا الخطاة
مات وفدانا وليه دعانا كمان وهبنا أفضل حياة
خلاص يا ربي ده فرح قلبي لما لقيتك أحلى صديق
أمشي وراك وأعمل رضاك وفي انتظارك حتى تجيء

القرار- (ساكت ليه رنم ويانا .. نهتف للرب اللي فدانا)2

1- -1(ده صوتك حلو جميل ويسوع بيفرح بيه
و بيسمع منك دايماً وطلبك بيلبيه)2
2- -2(لا تكشَّر ولا تفكر في زعل أو أحزان
ألقي على الرب همك ده قلبه كله حنان)2
3- ( -3رنم له وافرح دايماً وأنسى كل الآلام
ده يسوع هايسعِد قلبك ويملأه بالسلام)2

القرار- (يا بخت اللي عرف يسوع ودايماً متمسك بيه
ده وعده اللي يتعلق بيه لازم هاينجِّيه)2

1- -1(لا حوادث ولا أخطار وخوف من ناس أشرار)2
(في كل خطوة سلامة في رعايته ليل ونهار)2
2- -2(وأنا ليه أجزع وأخاف ومعايا راعي الخراف)2
(يحفظني كل حياتي حتى يوم الاختطاف)2

1- -1ربي بيعلمني أقرأ في الإنجيل ربي بيعلمني أصلي كمان
وبكده يخليني أعرف عنه كتير وبكده يخليني أحيا في اطمئنان
القرار- ساعدني أتغير حتى وأنا صغير
ومنك أتعلم ودايمًا أتقدم
2- -2ربي بيعلمني أكره الخطية ربي بيعلمني أسيب الأشرار
وبكده يخليني شجرة على المية وبكده يخليني أنمو باستمرار
3- -3ربي بيعلمني أسمع كلامه ربي بيعلمني أطيع وصاياه
وبكده يخليني أنعم بسلامه وبكده يخليني أحب العشرة معاه

1- -1(علمني يا رب أحبك وأحب الناس حواليَّ
خليني أفرح قلبك وأديلك قلبي هدية )2
القرار- (لأنك بتفرحني بأعمال أيديك ليك
شكري ياربي وحمدي ولساني يرنم ليك)2
2- -2(فهمني يارب كلامك عايزأحفظ وصاياك
علشان أفرح بسلامك وأعيش على طول وياك)2

القرار- (علمني إزاي أعيش ياربي بالمحبة
علشان إيماني فيك يكبر حبة حبة)2
1- -1أنا لما أسأل وأتحير ليه ربي مات بدالي
مالقيش غير المحبة هي جواب سؤالي
2- -2ها نضف قلبي ياربي خليه أبيض زي الطير
وفيض فيه بالمحبة علشان أحب الخير

كان مره في واحد نازل من أورشليم لأريحا
طلعوا علية اللصوص ضربوه وجرحوه
وأخده كل فلوسه زي الميت سبوه
فات عليه الكاهن فات علية لاوي
لما مالقوش فيه فايدة بصوا عليه وتركوه
وقالوا جوه قلوبهم أحنا مالنا وماله
لكن سامري صالح مع إنه من أعدائه
شفق علية ونظر له وأبتدأ يعالج دائه
راكبة على حمارته ومشي على رجلية
ووصله للفندق وهناك وصى عليه
يا ترى بتحب عدوك زي ما وصاك يسوع
أفتكر إن يسوع حبك زيه حب الجموع

لو رفعت قلبي وعينيَّ لفوق
هاشوف يسوع حبيبي وأتبعه بكل شوق
وأحفظ كل وصاياه وأسلك فيها بكمال
لأنه في كل خطوة ترك لنا المثال
مثاله في المحبة مثاله في الخضوع
في كل حاجة حلوة شكرًا ربي يسوع

نفسي أكون صورة صغيُرة بالظبط زي المسيح
زي الوردة الحلوة اللي في كل مكان ريحتها تفيح
عايز أتبع ربي بقلبي عايز أمشي وراه على طول
عايز أسمع كل همسة وكل كلمة ده مهما يقول
وأعرف فكرة ويعلمني ويكلمني في الصلاة
ويشبعني كلامه الحلو لما في الكتاب أقراه
(ولما أقعد معاه أكتر وأقرب منه أكتر والكتر )2
تبقى الصورة مش مهزوزة والشبه يبقى أقرب وأكتر

1- (فتح عينك كويس وبص على قدام
ورا يسوع بخطوة نتقدم للأمام )2
القرار- (وأكيد وأكيد راح تبقى سعيد
أيامك فرحة وكلها عيد)2
(ومادام يسوع القائد راح يبقى النصر أكيد)2
2- (والودن أفتحها كويس وأسمع الكلام
ومهما يقول لك نفذ تتمتع بالسلام )2
3- (وماتنساش تطلب منه يحفظ لك اللسان
وعلى باب شفايفك يجعل حارس كمان)2

1- -1(معانا قائدنا يسوع وفي أيدنا سلاح وشموع)2
(دايمًا نظهر له طاعتنا لأوامره أما بيرشدنا)2
القرار –(كلنا جاهزين ليسوع سامعين
ووراه ماشيين للسماءرايحين)2
2- -2(وودانا كمان وعينينا ولسانا وكل مافينا)2
(للخير راح نستعملها وفي وجه الشر نصونها)2
3- -3(لا نخاف إبليس يهزمنا ولا حيله هاتوقعنا)2
(مادام فاتحين له عينيا وسلاحنا كمان في أيدينا)2
4- -4(لا الحرب تأثر فينا ولا خوف من شيء يؤذينا)2
(بشجاعة ندوس أعدائنا وسبب نصرتنا قائدنا)2