بصوتي باناديك (7 ترنيمة )

1- ترتاح النفوس تتعلم دروس في محضر القدوس
يرتاح الضمير ويتملي بتأثير أعظم حب وتقدير

القرار- جلسة تنسينا آلام و جراح وهموم اليوم
جلسة بتدينا سلام يفضل ويانا ويدوم

2- ترتاح القلوب تتأثر وتتوب قدام إله مصلوب
تتملي الأفواه بالشكر والصلاة للي إدانا الحياة
3- تختفي الهموم وتزول الغيوم ويحل فرح ويدوم
تنتهي الآلام ويزيد السلام في قلب كله آثام

1- راجع لك بعد بعادي نادم على كل ما فاتني
راجع لك ناكر ذاتي وتارك شهواتي

القرار- راجع يا رب ليك باصرخ بصوتي باناديك
اقبلني يا ربي تاني سيج حولي بإيديك

2- راجع وذنوبي كتير راجع وهمومي تقيلة
راجع وواثق فيك هاتشيل حملي بإيديك
3- راجع والحزن ماليني راجع والمر كاويني
راجع بتوبة قوية وحياة جديدة نقية

1- مقرب من جثيماني وفكرك اللي بيعاني
يا قدوس تبقى في مكاني وتبقى خطية علشاني

القرار- بموتك خدت عني قصاص وقلبك أعطى لي خلاص
وشخصك هو لي ميراث يكفيني في كل أيامي

2- باقرب من الصليب قلبي وباهديك كل مشاعري
سرورك كان تموت بدلي ويبقى في المجد مكاني
3- صليبك نزلوك منه وعملك إنت كملته
وديني ع الصليب شيلته غسلت قلبي وكياني

1- هاحتمي فيك يا ربي وسط كل ظروف الحياة
وأرتمي جوه حضنك عشان ألقى فيه نجاة
عمري ما حسيت براحة أو سلام إلا معاك
أيوه جنبك بانسى جرحي وأفتكر حبك هناك

القرار- ع الصليب يا حبيبي يا طبيبي يا يسوع
غافراً كل ذنوبي ماسحاً كل الدموع

2- لو في يوم زادت عليَّ الهموم ويا الآلام
أطلبك ألاقيك في ثانية تيجي تملا الكون سلام
ما أنت ربي وأنت حصني ملجأي طول الزمان
صخرتي ترس خلاصي أحيا معك في أمان

القرار
يا بحور الخطية ليه انتي قوية؟ مش قادر عليكي وانتي قادرة عليَّ

1- أمواجك شديدة ورياحك عنيدة مين يقدر عليكي دي حروبك عنيدة!
2- ليه تايهة السفينة؟ لا مرسى لا مينا وقلوبنا حزينة والصرخة سجينة

يا بحور الخطية مهما كنتي قوية بيسوع هاقدر عليكي ولا تقوي عليَّ

1- (يا حنانك يا محبة قلبك مالي حياتي بالإحسان
في طريقي أنا شايف شخصك ماشي معايا في كل مكان)2
(الموجة العالية تهديها وظروفي الصعبة تعديها)2
ترفع من قلبي الأحزان
2- (يا صلاحك ياما انت أمين رغم آثامي وشري وعاري
ألقاك يا ربي ليَّ معين كل خطية في قلبي تداري)2
(ودما تسترني تغطيني جواك ربي بتخبيني)2
تضمن لحياتي الغفران

1- (ياللي تعبت من الاحزان ارجع ليسوع الحنان
تعال إليه بكل إيمان تلقى عنده كل أمان)2

القرار- ده يسوع واقف مستنيك على باب قلبك واقف ليك
افتح قلبك يسكن فيك تفرح بيه ويفرح بيك

2- حتى إن كان الذنب كبير حتى إن كان قلبك شرير
أو إن كان الجُرم خطير تعالَ يسوع عنده التبرير
3- متأجلش لبكرة يا غالي بكرة في إيدك مش مضمون
تعال اليوم لرب الكون وهو يسدد كل ديون