بارك بلادي (13 ترنيمة )

قومي يا مصر واستنيري .. يسوع هو طريقك سيري فيه
قومي يا مصر واستنيري .. وارمي كل أحمالك عليه
(لا يسود فيكي مرض .. لا يسود فيكي ظلام
ويملاكي الشفاء .. ويعود ليكي السلام)2
يسوع هو طريقك .. يسوع هو خلاصك
يسوع هو مليكك .. وبمجده رافع راسك
قومي يا مصر .. باسم يسوع

شــعــبــك وكــنـيـسـتـك يـطـلـبـون إلــيـك وبــك إلـــــى الآب مــعــك
قـائـلـين إرحـمـنـا يـا الله الآب يــا ضــابــط الـكـل إرحـمـنا ياالله مخـلصنا
إرحمنا يا الله ثم ارحمنا يـارب ارحــم
بيك لاؤس غار نيم تيك إككليسيا سي تيهو إيروك أووه إيفول هيطوطك إي
إفيوت نيماك إفجو إمموس جي ناي نان إفنوتي إفيوت بي بانطوكراطور
جي ناي نان إفنوتي بينسوتير جي ناي نان إفنوتي أووه ناي نان كيريي ليسون

1- إلهنا عظيم .. إلهنا أمين وحافظ عهده سنين و سـنين
بيطعم شعبه في بــريـة و يـطـلـق أسـرى ومسـبـيـيـن
إلـه دانـيـال .. ورب داود بـنـؤمــن إنــه مــا زال مـوجـود
ينجي عبيده حسب وعده مـن سيف جليات وجب أسود

القرار - يـا إلهنـا الصـالح شكراً ليك مهما بنشكر مش هانوفيك دي مراحمك جيـل ورا جيل
وأمانـتـك ثـابـتـة ومـا بــتـزول أعـمـالـك تـشــهـدلـك وتــقــول يــارب مـا لــكــش مــثــيــل

2- في قلب السجن ووسط الضيق بتيجي بقوة يا أوفى صديق
وإن وقـف الـبحر قصاد شعـبـك تشـقـه وتعمـل مـنـه طـريق
مــا فـي أبـــواب ولا أســـــوار أمـامــك تــقـــوى يــا جــبــار
وإن اضطهدوا في مـرة ولادك نـشـوفـك وسـط أتون الـنار

3- إلـــه آبــائــنـــا و أجــدادنــــا عـهــودك لـيـنـا و لــولادنـــا
يـا فـادي من الـحـفرة حياتنــا وواعدنا للـسما هـاتـاخـدنـا
بـنـعـلـن إن إيـمـانـنـا فـيـك وإن يــوم أنكرنا وصاح الـديـك
بـنـظــــرة حــــب تــدوِّبــنــا ونـرجـع تـانـي بـتـوبــة إلـيـك

1-( أنا في انتظارك يا ربى الأمين .. وراكع باصلّي و باطلب لمصر
رجايا ف وعودك ده عبر السنين .. يمينك بتصنع من الكسر نصر)2

القرار- خلاصك قريب من خائفيك .. ومجدك هايسكن فـي أرضنا
وشمسك هاتشـرق لمنتظـريك .. و تـيـجـي و تصنـع وعـودك لنـــا
أنا في انتظارك يا ربي الأمين .. فـي وسط الكنيسة وشعبك هنـا
معـاهم باصلّي ومستنين .. حضــورك في مصـر بمجـد وغِنـى

2- ( أنا في انتظارك وقلبي صبر .. وإن الأرض نشفت وإن النهر جف
مصدَّق في إنك هاتبعت مطر .. و مستني اشوف غيمة أد كــف)2
3- (أنا في انتظارك ومستني صبح .. و نــورك يبــدد ظــلام السـنـيـن
و رافـع رايـاتـك بـحـمـد وبـسـبـح .. بـأعـد لـمـجـيـئـك وبـاهـتـف آميــن)2

القرار- احفظ بلادنا يا رب .. واملاها من خيرك
جايين بكل القلب .. مالناش رجاء غيرك

1- ( احفظها من الحاجة ومن الفقر .. ومن جفاف ينابيع النهر
احفظها من الإرهاب والشر .. احفظ بلادنا يا رب)2
مجدك يعود ليها .. يشفي أراضيها
و مذبحك فيها .. يحفظ بلادنا يا رب

2- (احفظ بيوتك في بلادنا .. واملك عليها يا سيدنا
واحفظ بناتنا وأولادنا .. احفظ بلادنا يا رب)2
مجدك يعود ليها .. يشفي أراضيها
و مذبحك فيها .. يحفظ بلادنا يا رب
3- نطلب حماية لأبوابها .. عِفة وطهارة لشبابها
دم الحمل على أعتابها .. يحفظ بلادنا يا رب
مجدك يعود ليها .. يشفي أراضيها
و مذبحك فيها .. يحفظ بلادنا يا رب

١- مهما كان الحال هتقدر ياللي بتشق البحور
مهما كان ع الأرض ضلمة السما مليانة نور
أنت فوق الكل سيد رب عالي في سماك
صرخة المظلوم بتسمع تنصفه من غناك

القرار- بارك بلادي بارك بلادي
يا سامع الصلاة في قلوب كل البشر
بارك بلادي بارك بلادي
التفت لصراخ قلوبنا وأرسل لينا المطر

٢- من قلوبنا بننادي لك بالألوف نصرخ إليك
يد واحدة وقلب واحد واضعين حياتنا بين أيديك
لما صوت الحق يعلى يهرب الخوف والضلال
نزرع الحب في بلدنا نحصد الخير والسلام

٣- يا إله حب اسمع لدعائنا أجمعين
خلي مصر بلدنا جنة رد حق المظلومين
ارفع الخوف والمظالم اطرد الجوع والفساد
وانصر الحب في وطنا والعدالة في البلاد

القرار - تـعــالَ يــارب لــبـلادنــا بـنـهـضة وابــدأ فـيـنـا
راجعين بتـوبة يا سيدنـا ارحـمـنا واسـمـع لـيـنـا
يـا نهـر سباحة لايـُعـبر فيض فينا وف أراضيـنا
(اشـتقنا للأعـماق أكتر وعطشـنا ليك اروينـا)2
1- اعـبر إلـيـنا وأعنا آدي شـباكنا و ما فيها
(تعـبنا الليل وما اصطدنا قول كـلمـة نرمـى علـيهـا)2
2- بـنعـترف قـلبـنا فـاتر والضعـف زاد وما لـينا
(لكن ده روح قـدسك قادر يـضـرم نيـرانـك فـيـنا)2
3- وحد قلوبنا وكنايسنا وانهي الفرقة فيما بينّا
(زيّن كنيستك يا عريسنا بمحبة واحدة تجمعنا)2
4- ماحناش هانسكت وهانسهر لحد ما هاتجيـنّا
(عارفينك أنـت اللي ها تقدر تردنا وتحـيـيـنـا)2

القرار –(جـاي قـريب لبلدنا جـاي قـريب لبلدنا)2
1-(جـاي بـغـفـرانـك تـعـلن إحسـانـك تـبـرىء أراضيـنـا ونـفـوسـنا)2
هـو ده وعـدك هـاتـرد شـعـبـك ويعـود لـه مـجـدك يـا مـلـكـنــا
2-)جـاي قـريــب وده إيـمـانـنـا يـالـلي عـيـونــنـا بــتــتـــرجــاك)2
وف أرض غـربـة قـاســيـة وصـعـبـة إحـنا هـانـفـضـل نـسـتـنـاك

القرار - عصر النهضة راجع تانـي اهـتفي يـاكنيسة بأغاني
خلو الزيت مالي المصابيح ضـم إيـمانك ويا إيماني
1- ده رســـل الــرب الأطــهــــار انـتظروا ونالوا سكيب النار
وإحنا بنطـلب وف اســم الـــبــار مــواعـيد الـوقـت الآخرانـي

2- راجعين بخضوع ليك يا إلهـنا طالـبين مـلكوتـك في حـياتـنا
تـايـبـيـن عــن شـرنا وطـرقــنـا تـاركـين الـعـالـم الـفـانـي

3- اتـمـسكي يـاكـنـيسة بـالـوعـد ولا تـسـتني مـن الـنـاس حـد
ده عمر الـبيت ماهايتملي مـجـد إلا بــحــضــوره الــــربــانــي

4- ما فـي أبـواب تـقـوى عليكي يا كنيسة ده وعد يسوع ليكي
إنــك تـغـلـبي بــاسـم فـــاديـكــي وتــدوسـي الـفـكر الـشـيـطاني

5- الـمـجـد لــيـك يـا مـخـلـصـنـا يالـلي صـلـيبك سـر خـلاصـنا
بـنـصـلي لـعــمــلـك كـرســنـــا واجــعـلنـا لـلـكــنـز أوانـــي

١- يا الله أبانا في اسم يسوع البار
ابدأ في مصر النهضة وأطلق الشرار

٢- يا الله أبانا في اسم يسوع البار
أقم الحراس على كل الأسوار

٣- يا الله أبانا في اسم يسوع البار
اعطِ روح صلاة صلاة باقتدار

٤- يا الله أبانا في اسم يسوع البار
تمم لينا وعدك واسكب روح النار

٥- يا الله أبانا في اسم يسوع البار
جمِّل بالمواهب جمِّل بالثمار

٦- يا الله أبانا في اسم يسوع البار
مصر للمسيح صلوا يا أبرار

1- (يا عيون الرب السهرانة .. طُلِّي على مصر
دلِّيها وهي حيرانة .. دلِّيها لبَرْ)2
(لا صنم ينفعها ولا شمس .. لا قمر ولا جني ولا إنس)2
مين ينهى آلام الملايين .. ويرسِّي على بر أمين
يا عيون الرب السهرانة .. طُلِّي على مصر
2- (يا ذراع الرب الأبدية .. اتمدي لمصر
أعاديها جهل وقدرية .. في صراع الدهر)2
(أسحار وغواية وضلال .. حطّوا رجليها في أغلال)2
مين يهدي خُطاها للنور .. ويفك الشعب المأسور
يا ذراع الرب الأبدية .. اتمدي لمصر
3- (يا سواقي الرب المليانة .. فيضي على مصر
اروي أراضيها العطشانة .. وازرعي في القفر)2
(حوِّلي صحاريها لجنَّات .. بدّلي لعناتها لبركات)2
اروي أراضيها بأنهار .. ويصير أهاليها أبرار
يا سواقي الرب المليانة .. فيضي على مصر
4- (يا وعود الرب نطق بيها .. بالبركة لمصر
كوني نور يبدد لياليها .. كوني بسمة و فجر)2
(حوِّل يا إلهنا الآهات .. لأغاني تعلى بهتافات)2
بدّل أحزانها لأفراح .. خليها تسعد ترتاح
يا عيون الرب السهرانة .. طُلِّي على مصر

1- )لسه فيه في قلبك فيه لينا عندك
كلام ووعود سهران عليها يا رب
لسه بتتأنى وبتحب بلدنا
لسه ليك ناس في الأرض ديه يا رب)2
القرار- (جايين لك وبنِخلي نفوسنا لرؤياك
طالبين نعرف قصدك ونعيش في رضاك)2
لسه ليك ناس في الأرض يا رب
2-اسكب أنات أحشاء رأفات
هِد بصلوات جبال المستحيل
نهدم ظنون نهزم حصون
نأسر أفكار لطاعة المسيح

1- شعب مصر جه زمان الافتقاد
والحقول خلاص ابيضت للحصاد
ادعوا باسم الرب وصلوا وتوبوا ليه
تلقوا مجد الرب في مصر تاني عاد

القرار- يتعرف إلهنا في كل أرض مصر
يشفي كل جرح ويجبر كل كسر
احنا بس نرفع تسبيحاتنا ليه
وهو ليه الحرب وهو بيه النصر

2- أرض مصر بتناديلك يا يسوع
شعبنا جايلك بتوبة و بخضوع
وحدك انت رأسنا وعزنا
اسمك يعلى وفي أراضينا يكون مرفوع