بابين اتنين (24 ترنيمة )

( فيه قدامنا بابين اتنين نختار واحد يا شاطرين) 2
باب واسع وطريق سالك كل اللي يدخله هالك
باب ضيق وطريق مكسور لكن هو طريق النور
( يلّا بينا ندخل من الباب الضيق نمشي ورا يسوع واكيد مافيش رجوع ) 2
( واكيد مافيش رجوع )2

صحيح أنا لسه صغير لكن دا حبي كبير
( حبي للرب راعي وإخواتي كتير كتير ) 2
يسوع علمني أسامح وأحب كل الناس
( وأبشر بكلامه لجميع الأجناس )2
هاقوم من نومي وأصلي وأقرا في الكتاب
( قبل ما أذاكر عربي وقبل ما أحل حساب ) 2
يا ربي كل عمري فرحة وهنا وياك
( ساعدني أحبك أكتر وأمشي في رضاك )2

( ربي حبيبي ليك باصلي عايز أفرح فرح قلبي )2
( أفرح بيك أهتف ليك مجداً مجداً مجداً )2
( ماسك إيدي وبتهديني وفي طريقي بتحميني )2
أتعب أعيا بتقويني تحت دراعك أغمض عيني
أنام في سلام كل الأيام ده ربي حبيبي هو معيني
(علشان كده أنا هافرح بيك
علشان كده أنا هاهتف ليك مجداً مجداً مجدا ) 2

كان قلبي أسود أسود زي لون الفحم تمام
وحياتي كانت وحشة مليانة زعل وخصام
لكن لما عرفت الرب أنقذني من الظلام
نور لي قلبي وحياتي خلاني عايش في سلام
بقى قلبي أبيض أبيض زي لون التلج تمام
وحياتي مليانة سعادة أفراح وهنا وابتسام
إزاي يبقى الإسود أبيض إزاي يبقى قلبي جديد
مين يقدر يغفر خطاَيايَ ويخليني تملي سعيد
( دا الرب يسوع هو المصلوب مات وغفر كل الذنوب )2
دا من غيره مافيش خلاص روح له قوام تلقى المطلوب
يبقى الإسود أبيض ناصع بالدم الغالي يا محبوب

1- لو كانت عيني على طول شايفة حبيب القلب يسوع
هاسلك باستمرار في النور وحياتي بين الجموع
) ظهرَ المجد لربي يسوع )2
2- ودني وفمي وقلبي كمان إيدي ورجلي لربي يسوع
وبكده تبقى عيني سراج وتنور جسدي يا جموع
( كل المجد حبيبي يسوع )2
3- بص وشوف بعينيك الاتنين تحت وفوق وشمال ويمين
تلقى الرب في حبه راعيك وملاكه دايمًا حواليك
( بص وشوف بعينيك الاتنين واعرف طرق الرب منين )2
واسلك فيها تبقى سعيد تبقى حياتك دايمًا عيد

( ماحدش بيحبك أد الرب يسوع
ده هو اللي خلقنا وفدى الجموع )2
ده حلقهُ حلاوة وكله حنان
وصعد للسما بيعد المكان
وهييجي ياخدنا ونبقى معاه في أمان
( يالا تعالَ بسرعة للرب المجيد
خليه يسكن قلبك علشان تبقىَ سعيد )2

( إتعرف بيسوع الغالي تبقى في خير وسلام طوالي )2
( دمه يطهر لك خطاياك بيحبك وكمان يرعَاك )2
( إتعرف بيسوع الغالي إوعى تقول لأ لأ وأنا مالي )2
( ييجي ويسكن جوه في قلبك اتعرف بيسوع الغالي )2

1- ربي قال لا تخافوا علشان أنا معاكم
في كل لحظة عيني عليكم و بترعاكُم
( ولا يقدر حد ييجي يخطفكم من إيديَ
عشان انتم خرافي اللي غاليين عليَ )2
( دايماً كونوا واثقين في قلوبكم متطمنِين
لأنه يسوع راعينا وهو الصادق الأمين )2

القرار( تعالى ليسوع البار ياللي خايف ليل ونهار
ده الرب يسوع الأمين اللي سفك دمه الثمين )2

2- وقالها أنا معاكم كل الأيام أنا وياكم
ولا يمكن أبداً هانساكُم علشان أنا اللي برعاكُم

3- ده اللى عينيه على طول عليك لما تقع يمسك ايديك
ويقول لك إياك تخاف ده أنا شايلك على الأكتاف

1- أنا متطمِّن أنا متأكد في قلبي إيمان
يسوع ساكن جوه في قلبي وماليه بالسلام

القرار- ( ولا هازعل يوم ولا أكشَّر ولا هأقعد أبكي وأفكر
ده يسوع شال كل همومي وحبه في قلبي بيكبر )2

2- ( جم سألوني في مرة قالوا لي: ليه انت فرحان؟
قلت لأن آثامي اتغفرِت وأنا عايش في أمان )2

1- دايماً بسأل نفسي ليه يسوع جه علشاني؟
و ساب الملايكة وجه للأرض فقير؟
( اتعاقب بدالي وشال عني أحمالي
وبدالها ادالي حب وقلب كبير )2

القرار- [( لأن الله محبة لأن الله محبة )3.. الله محبة ]2

2- ليه يسوع بيسامح لما باغلط في حقه ؟
لما آجي له بتوبة وأنا قلبي ندمان
( ليه ينسى الخطية ويمسح دمع عيني
ويمسك ايديَ ويخليني فرحان )2

( الشجرة الحلوة بتكون واضحة في وسط الأشجار
أوراقها بتبقى خضرا وفروعها مليانة ثمار )2
( والشجرة الوحشة كمان بتكون واضحة لكل الناس )2
بتبقى دبلانة ولازم تتقطع وتروح في النار
والفرق طبعًا واضح جدًا بين الشجرتين
يا ترى إنت بتشبه أي واحدة من الاتنين
) إذا كان في حياتك ثمار يبقى يا هناك بيسوع
وإذا كانت حياتك وحشة تبقى بعيد عن الينبوع )2
( والشجرة اللي تعيش بعيد عن المية أكيد تموت )2
وحياتك من غير يسوع تتملي حزن ودموع
والفرق طبعًا واضح جدًّا بين الطريقين
) يا ترى تحب تمشي في أي واحد من الاتنين )2

1- لو في سكة صعبة وآخرها قصر كبير
وفي واحدة واسعة وآخرها كوخ حقير
( فين هاحب أروح القصر ولا الكوخ )2
2- شفت باب الصعبة لقيته باب صغير
أما الباب التاني كبير طب دي حاجة تحير
( فين هاحب أروح القصر ولا الكوخ )2
3- ( لو اخترت الصعبة يسوع هيكون لي معين
مهما طالت الغربة سنين وراها سنين
هياخدني لقصره في السما هاعيش
تبقى صعوبة السكة أبدًا ماتساويش
( طبعًا أحب أروح القصر مش الكوخ )2 ) 2

لما باشتم قلبي بيحزن ويسوع بيبقى زعلان
لما باشتم باشعر إني مغلوب وهزمني الشيطان
( أعمل إيه؟ قولوا يا صحابي
أعمل إيه؟ قولوا لي قوام )2
( صلي للرب يسوع وقول له أنا غلطان
احفظ لي باب شفايفي وأحرص اللسان )2
( ولما أركع وأصلي وأطلب الغفران
هيريح حالاً وأشعر بالأمان )2

( قلب نضيف قلب جديد اخلق فيَّ يا الله
هاعيش طول العمر سعيد بعد ما نلت خلاص وحياة
لما يدخل قلبي يسوع حَالًا ينضف من الشرور
ولقدام من غير رجوع هامشي معاه على طول في النور
وأهتف من قلبي وأقول ( قلبًا نقيًّا اخلق في يا الله )2 )2

مايقدرش حد أبدًا يخدم سيدين
يحب واحد ويكره واحد لكن مش الاتنين
مانقدرش نطيع الله وإحنا نحب المال وياه
علشان كده يسوع بيقول
( مانهتمش ناكل إيه ونشرب إيه ونلبس إيه )2
بصوا وشوفوا طير السما لا بيزرع ولا يجمع
لكن رب المجد يسوع هو يطعمه ويشبع
بصوا شوفوا سنابل الحقل إزاي ربي بيكسيها
حتى الملك سُليَمانَ ما كان يلبس زييها
علشان كده يسوع بيقول: اطلبوا أولًا ملكوت وبر الله
( وهو لكم يزيد ما تريدوا في الحياة )2

1- ( يا ناس أنا قلبي اختار يا صغيرين وكبار )2
( حبيب القلب اسمه )3 ..اسمه يسوع البار

القرار : (حبيب القلب اسمه )3 ..اسمه يسوع البار

2- ( الناس اختاروا المال واختاروا الجمال)2
( لكن حبيبي اسمه ) 3..اسمه يسوع البار

القرار- ( لما يسوع بيكون موجود في حياة الواحد فينا
بينور زي الشموع و مافيش قوة هاتِطفينا )2

1- ( حتى كمان وقت الضَلمة عندنا ابتسامة
جاية من عند يسوع لسلامنا علامة ) 2

1- كلام الرب ينير يعقِّل الجهال
ومرشدٌ أمين للسالِك بالكمال

القرار- ( لما نفكر لما نفكر يبقى أمامنا كلام الله )2

2- وصايا الرب جميلة تُفرِّح القلوب
طوبى لمن يحفظهَ تحرصُه من الذنوب

3- شهادات الرب صادقة وأحلى من العسل
ولما نقولها دايماً نثبت زي الجبل

القرار- اسم يسوع أحلى الأسماء
اسم يسوع اسم الأسماء
(مافيش اسم تاني تحت السما يقدر يخلصنا )2
1- اسم يسوع معناته مخلص
دم يسوع هو اللي يخلص
ويطهر من كل خطية
ويحرر من العبودية
مافيش اسم تاني تحت السما يقدر يخلصنا
2- اسم يسوع في طريقنا يخلي إبليس مهزوم منا تملي
وماحدش يقدر علينا طول ما اسمه سلاح في إيدينا
مافيش اسم تاني تحت السما يقدر يخلصنا

القرار- للأمام سِر دا شعارنا مافيش محلك سر نتبع قائدنا
للأمام سِر نتبع فادي الورى مافيش للخلف دُر ولا رجوع ورا

1- احنا جنود الرب في الميدان
شايلين سلاحنا وترسنا الإيمان
ورا قائدنا حاسين بالأمان
دايماً شعارنا للأمام سِر
2- رايحين نهاجم خِصمنا الشيطان
اللي حاربنا في كل مكان
صليب قائدنا غلبه من زمان
نرفع رايتنا للأمام سِر
3- لا يهمنا جبال ولا هضاب
ولا توقفنا أبداً صعاب
يمين قائدنا تفتح الأبواب
دايماً هتافنا للأمام سِر

[ (علمني أن أعمل رضاك)2
علِّم إيديَ وكمان لسانيِ
علِّم عينيَ وكمان ودَانيِ
(وعلِّم قلبي ازاي يحبك
علشان أقدر أعمل رضاك) 2] 2
علمني علمني علمني أن أعمل رضاك

1-(يسوع يعمل منك راجل رغم سنك
ويديك محبة ويبعد إبليس عنك)2
(لا لاي لا لاي لا لاي لا لاي لا لاي لا لاي لا لاي لا لا)2
2-)يسوع يعمل منك صانع سلام
ويديك القوة عشان تنسيَ الخصام)2
3-)يسوع يعمل منك شمعة تنور ليه
نور لكل العالم بس اوعي تطفيه)2
4-)يسوع يعمل منك مسيح صغير
والناس لما تشوفك تشكر وتتغير)2

القرار- ( ماشي أنا ماشي أنا ماشي مع يسوع ) 2
ما في يوم زعلان ولا يوم تعبان
ماشي أنا ماشي أنا ماشي مع يسوع

1- سكتي طويلة مليانة آلام
لكن وأنا ماشي مليان بالسلام
يسوع ماشي جنبي يسوع شايل عني
ماشي أنا دايماً ماشي مع يسوع

2- بابي ضيّق جداً وبكده سعيد
يسوع ماشي جنبي طبعاً ده أكيد
حياتي بتتألم ولساني بيرنم
ماشي أنا دايماً ماشي مع يسوع

3- كل يوم بيكبر في قلبي الرجاء
لازم يوم هاييجِي أوصل للسما
ولحد ما ييجِي هايبقَى نشيدي
ماشي أنا دايماً ماشي مع يسوع

يسوع ماشي قدامي وأنا ماشي وراه
كل ما أخطي خطوة باقرب للسماء
باخطي وأنا مش خايف دهأنا ماشي معاه
واكيد في آخر السكة هاوصل للسما
((هللويا)2 أنا ماشي في طريقي طريقي للسما)2
خطوة رجلي قليلة ومشواري طويل
طريقي صعب شوية وفيه نهار وليل
أصغر خطوة تقربني من وطني الجميل
وكل يوم يعدي باقرب للسما
((هللويا)2 أنا ماشي في طريقي طريقي للسما)3