جراح حبيبي (8 ترنيمة )

1-(العالم يبني ويزرع .. وتملّي مش شبعان)2
(همه يلبس ويقلع .. وعن يسوع غفلان)2

القرار-(لكن أنا مش من هنا .. ده هنا عالم فاني)2
(لا مال ولا جاه ولا غنى .. أنا ليَّ وطن تاني)2

2-(الناس بتجري وتكدح .. ورا سيد اسمه المال)2
(وزرع الشر ما ينفع .. ده كل شيء زوال)2
3-(شايل هم الأيام .. محروم من السلام)2
(دي شكوى وكتر كلام .. من الضيق والآلام)2
4-(واحد منفوخ ع التاني .. زي الحصان الجامح)2
(يعمل للكلمة معاني .. ولا يعرف مرة يسامح)2
5-(يبكوا على الحظ الخاين .. مش جاي على هواهم)2
(عاوزين في الدنيا جناين .. والعمر يستناهم)2

1-(معي في الطريق يا أعز صديق
وفي وسط الضيق (بتنجدني)2)2
لما بناديك حالًا بلاقيك
مادد لي إيدك و (بتسندني)2

القرار-(وتقول لي ها أنا معك
بيميني ماسكك وبرفعك)2
(وانا راعي ليك دايمًا براعيك
وعيني عليك كل الأيام يا ابني)4

2-(بناديك ربي ألاقيك جنبي
تطمن قلبي (وبترفعني)2)2
(وقت الآلام بتجيني قوام
تعطيني سلام (وتشجعني)2)2
3-(أدعوك يا حبيب ويا أغلى نصيب
كن ليَّ مجيب (وقت صلاتي)2)2
(أرجوك تسمعني في ضعفي ارفعني
إلهي شجعني (وسط ضيقاتي)2)2
4-(بيك أنا غالب كل التجارب
مع المصاعب (والعدو مغلوب)2)2
(كل الأيام وعلى الدوام
أحتمي في الدم (أيا مصلوب)2)2

1-يا مخلصي اصحبني كن لي دوماً مرشداً
بيمينك احرسنَّي كي لا أخشى أبدا
القرار-لست من شر أخاف فأهدني حيث تريد
بلا ضجر أسير بل بإيمان وطيد
2-سر معي أيا صديقي إني ناظر إليك
سر معي في وقت ضيقي واحتضني بيديك
3-اصغ لي عند ندائي أسمعني صوتك
صوتك الحلو عزائي أنت خلي وحدك
4-ليس ما يعزى قلبي لما تهجم الهموم
إلا أنت يا حبيبي ترثي لي وقت الغيوم

القرار- يمكن يمكن ييجي حبيبنا اليوم
يمكن ويبدد كل الهموم
1-(ليه يا مؤمن باكي وحزين .. ودموعك على الخدين؟)2
(يمكن ييجي حبيبنا اليوم)2
(يُنهي كل وجع وأنين)2
2-(كافح واخدم باجتهاد .. مهما يكون الإضطهاد)2
(يمكن ييجي حبيبنا اليوم)2
(وياخدنا إلى الأمجاد)2
3-(حاسب اوعى تكون مشغول .. في العالم وده بكرة يزول)2
(يمكن ييجي حبيبنا اليوم)2
(وياخدنا للسماء على طول)2
4-(فكر دومًا في السماء .. وانسى كل شيء هنا)2
(يمكن ييجي حبيبنا اليوم)2
(وياخدنا لدار الهنا)2

1-المحبة تتأنى وكمان هي ترفق
المحبة لا تحقد بل هي دايماً تشفق
القرار-ربي امنحني حبك
ربي أعطيني قلبك
امنحني حبك يا رب
وارويني من نبع الحب
2-المحبة لا تحسد بل تطلب للناس الخير
المحبة لا تحقد بل تشفق دايما ع الغير
3-نحن نعلم أننا
حقا قد انتقلنا
من الموت إلى الحياة
علشان بنحب الإخوة
4-بهذا يعرف الناس
أننا تلاميذ الرب
إن كان لنا نحن حب
بعضنا بعضاَ من القلب
5-لا تكن محبتنا
بالكلام ولا باللسان
بل تكن محبتنا
بالعمل والحق كمان

القرار -مين أحن منك ألتجئ إليه
وفي كل ضيقي وتعبي أتكل عليه

1-يا قاضي الأرامل يا أبو الأيتام
حلال المشاكل صانع السلام
2-الأشبال احتاجت والأسود بتجوع
أما المؤمنين أشبعهم يسوع
3-إن طلبت غيرك انتظاري يطول
لكن إن دعيتك بتجيني على طول

1-الناس بيلومونا.. على كثرة الهتاف
غصبٍ عنهم ماختبروش.. (ولا واحد منهم شاف)2
2-الناس قالوا بلاش.. قولة هللويا
غصبٍ عنهم ماختبروش.. (دي علامة التعزية)2
3-الناس قالوا طيب.. قولوها بصوت واطي
يا ناس احنا مانقدرش.. (نتعزى سكاتي)2
4-الناس قالوا كفاية.. ليلتين في كل أسبوع
يا ناس احنا مانقدرش.. (نطيق فراق يسوع)2
5-الناس قالوا طيب.. ليه انتوا فرحانين
لا يوجد فيكم متوظف.. (ولا عنده فدان طين)2
6-إيه اللي يرضي الناس.. نبطل عبادة
لكننا لا نطيعهم.. (بل دايمًا في زيادة)2

القرار - جراح حبيبي غالية عليَّ خلتني أكره كل خطية
وأشتاق من قلبي أخدم اللي أحسن إليَّ

1-عيني إلى الحمل المذبوح ارفعني ارفعني بالروح
(لكي أقبّل سر شفائي وهي الجروح )2
2- قلبي مرفوع إلى الأبدية مشتاق إلى الحضرة البهية
(وأشوف حبيبي وصورته الحلوة تملا عينيَّ)2
3- طلعة حبيبي كلبنان لا يشبهه أي إنسان
(مالي عليَّ حياتي وشايفه بالإيمان )2
4-مسيحي لي ملجأ وقوة عوني في الضيق ومليش غيره هو
(وف ضي حبه شايف صورتي في قلبه من جوة)2
5-هاتوا رباب بعشر أوتار وسبحوا مخلصنا البار
(حبيب القلب اللي بصليبه صرنا أحرار )2