حفل حب أتولد النهاردة ٢ (15 ترنيمة )

١- وسط شوارع الليل الضالمة ماشي وفجأة سكنت خطواتي
لما سمعت بوداني كلمة شكراً ربي على كل حياتي
لفيت راسي أشوف مين لسه راضي وشاكر ربه على حاله
لمعت عيني وشافت طفلة فقيرة بتحكي عن يسوع وجماله

القرار- بتقول هو اتولد علشاني خد شكلي وخد مكاني
إزاي يعني هاينساني او يوم ينساك إنت كمان
جه زمان قبل إنه يكون في حظيرة
وعيلة زي عيلتي فقيرة مش قصر وحفلة كبيرة
بقا كل ده وإنت زعلان

٢- افرح جداً رغم مشاكلك رغم ظروفك لو كان إيه حاصل
افرح إن عينيه بتشوفك بطل وتقدر تقوم وتواصل
اطلب بركة اطلب نعمة من طفل صغير مولود بيحبك
زي ما خلق العين للأعمى اطلب يخلق فرحة كبيرة في قلبك

القرار- بتقول هو اتولد علشاني خد شكلي وخد مكاني
إزاي يعني هاينساني او يوم ينساك إنت كمان
جه زمان قبل إنه يكون في حظيرة
عيلة زي عيلتي فقيرة مش قصر وحفلة كبيرة ولا ناس أو زينة كتيرة
فبلاش تبقى زعلان

١- (اتولد نونو جوه في قلبي أنا بصة عيونه تملاني فرحة وهنا
بسمة شفايفه بتقولي قرب هنا تشوفه عينيَّ تلمسه إيديَّ هو ده ربنا)٢

القرار- (يسوع جيه صغير جدد فينا وغير عاش وسطينا تخيل ده حب كبير
ساب هناك كل مجده فدا إنسان رغم عنده حب العالم بشره وزرع الخير)٢

٢- (أهلاً بيك يا رب في أرضنا بنقدم ليك في ميلادك كلنا
حياتنا هدية لو تقبل قلبنا علشانك يرخص الغالي عندنا)٢

١- تعاستنا وخوفنا وكبت ظروفنا هلكنا من التفكير
مابقاش لينا غير الصلاة بلجاجة وصرخة لرب كبير
بمراحمه الواسعة هايرحمنا وصلاحه يصلّح أحوالنا
(ارحمنا)٣ يا الله الآب يا ضابط الكل (ارحمنا)٢

٢- اشفي أجسادنا وأمراضنا بدّل ليل اليائسين
أنقذنا واخلق لينا مخرج يدي النور للتايهين
ما أنت ضابط الكل حاسبها صنعة إيدك مش هاتسيبها
(ارحمنا)٣ يا الله مخلصنا (ارحمنا)٢

٣- شيل عنا وعينّا ويمننا امسك فيه ماتسبهوش
رد لنا البهجة وداوينا بروح فينا ماتنزعهوش
راجعين ما إحنا تعبنا وتوبنا وبقيت إنت سؤل قلوبنا
(ارحمنا)٣ يا الله

١- أجراس وزينة بتملى الشوارع
وتلج بيعكس ألوان نجم ساطع
وبيوت فرحانة وقلوب دفيانة
لمة وشجرة وهدايا وعيد

القرار- الحب اتولد النهارده وعمري ما أرضى تاني أبقى زعلان ولا قلبي بهتان
وسط العالم هاكون نجمة بتضوي العيون
يظهر منها شعاع وينور يمحي ظلام الكون
الحب ده زي الموسيقى بألف طريقة بيها
نوصل للناس تفهمه كل الاجناس
لغة قادرة ع التغير مش محتاجة تعبير
يكفي بس محبة في قلبك تعمل فرق كبير

٢- في يوم هايجي هايغير حياتك
أعظم من فرحك وتاريخ عيد ميلادك
يوم خاص باسمك يحصل فيه حلمك
وعشان كدا قول ويايا وعيد

١- هي النجمة نجمة فيها فيها سر السعادة
بصيت ليها ليها لمعت زيادة
كل ما قربت عليها كل ما ده رنت أجراس
رنت خلت باقي النجوم تنادي
تهتف وتقول اليوم ده يوم مش عادي
والبوق أهوه جيه يعلن إن الليلة دي
في ملك هايفرح كل الناس

القرار- غنوا عنوا مولود مولود من سما بعيدة
شق العتمة وشع النور بيدور بليالي سعيدة
تعلن إن الليلة عيد مواعيد في حياتنا جديدة
اسمه مين (ي س) مين (ي س و ع) يسوع

٢- عيد ميلاد مجيد اليوم يوم عيدنا
زينوا كل الأشجار ده يسوع جاي بيتنا
هايفرح كل حزين ما هو النور في حياتنا
طول الأيام
نجمة عالية جايبة معاها هدية
بالاسم لكل واحد ليك وليَّ
خليها ترسم بدايات السنة الجاية
كله يجمع حوالينها أوام

١- انسى سنين خوفك انسى الكسر القديم
قوم داوي جروحك غيّر التقويم
بص في مرايتك واسرح عدي الحدود
اكتب في روايتك وابدأ رحلة صعود
سميها قصة نجاح سميها حلم وكفاح سميها
أحلى من كل السنين

(سنة البدايات الحلوة نألف غنوة نلف الدنيا نغنيها
سنة الأفراح الهايلة من السما شايلة لينا هدايا هاتمطر بيها)٢

٢- لو ضاعت فرصة اخلق ليها البديل
فشلك ده لحظة لسه وراك حلم طويل
ماتخافش الضلمة علشان النور أصلاً فيك
وأوعى في يوم كلمة تسنح إنها تطفيك
خليها كلمة حياة خليها طوق للنجاة خليها
بداية لأحلى سنين

١- بيت لحم الليلة بتفرح بعد صبر سنين
حواليم مذود ومجوس ورعاة
سجدوا لملك في جماله ما شافت عين
هايخلص شعبه من خطاياه

القرار- ده يسوع موجود وخيره يسود في أراضينا
بيه بقت لينا بشرى وأحلى وعود
عالأرض سلام طول الأيام مسرة وزينة
الفرح فينا من السما مولود

٢- اليوم أهو جيه كل الأرض تهلل وتصيح
عمانوئيل في وسطنا الآن
حيوا رئيس السلام حيوا المسيح
أبدي عجيب مشير حنّان

٣- لمسة من إيده تشفي وتصنع خير
نور للعالم نور للعميان
ما هو اللي خلق إيده تقدر تخلق غير
تعصب جرحك لو مخفي كمان

القرار- (جاي الليلة يسوع يا هالأرض انحني
صوت الفرح مسموع وعم تضحك هالدّني)٢
والناس سهرانين ببيوتن دفيانين (تيوصل يسوع)٢

١- (يا ليل ساكت ليش ما وصل بَعْد الخبر
ناطر إلَك إديش طوّلت كتير السَّهر)٢
والناس سهرانين ببيوتن دفيانين (تيوصَل يسوع)٢

٢- (شفنا بليلة عيد نور ضوّى بالمدى
سمعنا نَشيد جديد غنُّوا نجمات الفَضا)٢
والناس سهرانين ببيوتن دفيانين (تيوصل يسوع)٢

٣- (يا تَلج بكوانين غطّى عَ كل الدّني
الأطفال فرحانين والهدايا ملوّنة)٢
والناس سهرانين ببيوتن دفيانين (تيوصل يسوع)٢

القرار- (سلام سلام من السما ليكي
قدوس وصار إنسان فيكي
يا محلا معاني أساميكي
طلي فرّحي شعبك بيكي)٢

١- يا حمامة حسنة تنور وسط السما وتطوف
ياشفيعة وملكة بتول وحنانها يكفّي ألوف
يا عروس قدوس أم فاديكي

٢- يا فرحة تهلل وتكلل للصديقين
يا فخر واسمك سور لخلاصنا عالي حصين
بستان مليان عطر ماليكي

٣- سما تانية سكنها ابن الله ببهاه وعلاه
ام معينة وقادة وباب عقلي للحياة
عذراء ورجاء مين يناديكي

١- (سنين طويلة مضت والرب معتني بيَّ وكل يوم محمول على الأذرع الأبديّة)٢
(ويسوع بيده ماسكني في مراعي الحب قايدني)٢

القرار- (ملك الملوك يا يسوع يا سيد الأسياد
نفوسنا في انتظار تاخدنا للأمجاد)٢
(واتملّى فيك بعينيَّ يا يسوع يا غالي غليَّ)٢

٢- (يسوع سباني بحبه والقلب بقي فرحان وعد يجينا من مجده وتنتهي الأحزان)٢
(تبقى السما كلها ليَّ أعظم ما فيها فاديَّ)٢

١- (قدام عرشك سجودي اغمر قلبي زيل قيودي
باطرح ليك أكاليل وعودي بانسحق
قدوس اسمك باركني بروحك اروي عطش مالكني
فيض بحنانك وامتلكني مستحق)٢

القرار- حي إلهي رب الأكوان حي إلهي في وسطنا الآن
(شفاء اشفي نفوسنا ليك قدّسنا يا روح الله
شفاء أجسادنا المسنا فيك اغمسنا في نهر حياة)٢

٢- (هانسى اللي حصل لي وأغمض عيني وليك أصلي
وأحط ظروفي وكل حملي بين إيديك
تدوب نفسي في حضورك قلبي يشوف بإيمانه نورك
يملاه فرح لما أملّي عينيَّ بيك)٢

١- (كل مرة كنت أجي فيها أصالحه وأقوله دي غلطة أخيرة
كنت أرجع بعدها تاني أنا أغلط غلطة تانية كبيرة)٢
(كان يسامح كده أوام في الحال
يقول لي تعالَ يا ابني الضال)٢
ده أنا عينيَّ عليك تملّي ملاكي حوليك
جنبك ماسك في إيديك دايماً ليك
رحمتي كبيرة
(إلهي ده إلهي ده رحمته كبيرة)٢

القرار- وأنا جاي لك ندمان واثق كلي إيمان بقولك سامحني
علشان أنا ابنك صنع إيديك محتاج يارب إليك في حياتي تفرحني
(إلهي ده إلهي ده رحمته كبيرة)٢

٢- (صعب أنسى أي حاجة عملها ربي عشاني وادهاني
لو نسيت حبه ليَّ خوفه عليَّ أبقى إنسان أناني)٢
(أنسى قلبه حضنه ده باب مفتوح
أنسى جلده جنبه ده كان جروح)٢
مش هايسيبك تبعد عنه ملاكه حواليك
جنبك ماسك في إيديك
دايمًا ليك رحمته كبيرة
(إلهي ده إلهي ده رحمته كبيرة)٢

١- منذ القديم في قريةٍ من أصغر البلاد
قد وُلد الطفل يسوع في ليلة الميلاد
في ليلةٍ من الشتاء في جهدٍ وألم
تدخل مريم العذراء حظيرة الغنم

القرار- (بيتك في قلوبنا يا صاحب الأمجاد
فحبك بدا لنا في ليلة الميلاد)٢

٢- في ليلةٍ من الشتاء قدسية النغم
طفلٌ جميلٌ ولدت عذراء بيت لحم
في ليلةٍ من الشتاء يسوع قد أتيتنا
فلم تجد في أرضنا مهداً ببيتنا

٣- وفي السماء احتفل جيش الملائكة
تعجبوا إذ لم يروا تقديرنا لك
تعجبت جند السما إذ أبصروا البهاء
يرقد فوق القش لا فرشٌ ولا غطاء

ها من بعيد نجمٌ عجيب وسط القفار عبر البحار
بين الغيوم نحو التخوم أتى المجوس يحنوا الرؤوس
عند الملك أعطوا الثمين ها ذهباً مراً لبان
(مجداً مجداً لك يا ملكنا)٢
يومٌ سعيد أتى المجيد
رب السماء رمز الرجاء

نحن أشرف المجوس بالهدايا قادمين
وسط قفرٍ وغروس نتبع النجم الأمين

١- يا ليلةً قد اكتست بنورٍ بل زينت وجهها بالنجوم
في فرحةٍ بمولد المسيح إذ جاء كي ينتهي عهد الظلام
قد أنشد جند السماء نشيداً المجد للآب العلي الرحيم

القرار- هيا اسجدوا وأصغوا للترنيم
يا ليلة مولد الرب يسوع
يا ليلةً ليلةً مقدسة

٢- ربي إلى فراشك الصغير آتي أنا في خشوعٍ عميق
من أجلي ذقت العنا المرير من أجلي سرتَ كل ذا الطريق
أقدّم ربي لك السجود فأنت سيدي كذا الصديق