كلك مشتهيات (9 ترنيمة )

١- (انت ليك في حياتي خطة خليني أقبل ما فيها
حلوة مَرة مُرة مَرة بس لازم هاتعديها)٢

القرار- (يا إلهي يا حبيبي من إيديك قابل وراضي
راح اقول لنفسي طيعي انت بتبدل رمادي)٢

٢- (كنت غافل عيني قافل عن إرادتك عن مشيئتك
بس صوتك قال هاقودك مش هاسيبك وقت ضيقتك)٢
٣- (مسكة إيدك علمتني أعلى فوق كل الجبال
لو أماني الكون سابتني يحلى وياك الرحال)٢
٤- (مش هابص بعين حزينة عاللي فات من ذكريات
انت جاي بأحلى زينة ليك هدف أيوه وميعاد)٢

١- (تحتار وتفكر تعلالي أنا عندي حلول
اترك مشكلتك قولهالي أنا بيك مشغول)٢
(هاقدر ع البحر بهيجانه والعدو يسكت جواه لسانه)٢
تخطيطي هايظهر في أوانه وأنا المسؤول

٢- (لو حتى إخواتك وصحابك في الشدة سابوك
وما حدش خبّط على بابك أنا برضه أبوك)٢
(هاعرف أكفّيك وأرتبها تتفاجئ قوي من ترتيبها)٢
أصل أنا بالتوقيت باحسبها ما أنتاش متروك

٣- (سيب المستقبل ده عليَّ هاملاه أناشيد
أوعى تنسى إنك ليك فيَّ كل المواعيد)٢
(أنا حاطط إيدي على حياتك عارف داري باحتياجاتك)٢
بس اظبط على وقتي أوقاتك فرحك هايزيد

١- جوعني ليك وأشبعني بيك
أشبعني ربي بفيض غناك
فلا أحتاج في أي جوع
(أن أشبع من سواك)٢

٢- املا عينيَّ بجمال يسوع
اشغل خيالي بجروح يسوع
فلا أحتاج في أي ضيق
(أن أبحث من سواك)٢

٣- امسح دموعي أبرئ جروحي
أنت شفائي عزاء روحي
نشيد قلبي هتاف عمري
(إلهي ليس سواك)٢

القرار- (دايب قلبي دايب في العشرة معاك
جايلك ربي جايب طيبي وباترجاك)٢

١- (شايفك يا خلاصي تملا بخمر كاسي
فكري وإحساسي دايب أنا فيك
سامعك بتناديني فرفعت عيني
وأنظرك تعطيني أسرار خائفيك)٢
٢- (قلبي بيك مفتون بيك ربي مفتون
ولحبك مديون نفسي أرد الدين
علمتني هواك توعد وأستناك
أنسى الكل معاك بس إحنا الاتنين)٢

١- (ربي اجعل في صلاتي حياة
وكل حياتي صلاة
صلّي بروحك واشبع روحي
بصوتك يا ابن الله)٢

٢- (لمّا باكون جوّة الروح
باحيا السماويات
قلبي يفيض بالتسبيح
وأشكر ع البركات)٢

٣- (بركات الدم اللي بندخل
بيه الأقداس
والنعمة اللي تقوينا
وإيمان الخلاص)٢

٤- (علِّمني ازاي أقدم جسدي
ذبيحة بكل خضوع
أعبد شخصك رافع اسمك
ساجد لك بخشوع)٢

٥- (خلّي سجودي يكون لجلالك
صمت وحب وشوق
وأمّا أتكلم ألقى جمالك
يسبي القلب لفوق)٢

٦- (والاسم الغالي عليَّ
يكون في لساني صلاة
والوقت إن مر عليّ
يفوت كاللحظة معاه)٢

١- (خليني لما أفتح عيني
أول فكرة يارب تجيني
إني أقوم وأقعد وياك
وأسمع صوتك جوه كلامك
تملى اليوم بصوتك وسلامك
تكشف ليَّ إيه جواك)٢

القرار- (كلك مشتهيات يا حبيبي
تستاهل سجودي وطيبي)٢
(باقعد قدامك بارتاح
تحت جناحك غنا وأفراح)٢

٢- (ده كلامك مش أي كلام
بياخدني لخطوات قدام
ويغير جهلي للنور
ده طعامي وسط البرية
ساند قلبي حافظ رجليَّ
ياخد عيني من المنظور)٢

٣- (أنا ساجد بخشوع باخضعلك
وبقلبي باسكت وأسمعلك
في المخدع علمني أعيش
طالب شوقي يزيد جوايا
وأغتلي بيك وادوب في الآية
زيك في جمالك ده مفيش)٢

١- (لما يسير وجهك قدامي أنا بارتاح
أنت بتمحي أي مشاكل كل جراح)٢
(تبقى رفيق الليل لو مشواري طويل
تيجي تضمد مش بتخمد فيَّ أي فتيل
قلبك بيَّ رحيم طول الرحلة عظيم
بتوقف جنبي مش بتسيبني أيا قادر يا كريم)٢

٢- (لما الموجه بتعلى عليَّ وأنا مكسور
أنت معايا مش بتسيبني في لحظة أخور)٢
(بتشجع وتعيد ليَّ أفراح ونشيد
وسط الهوجة ولو الموجة تعلى عليَّ تزيد
ابتساماتك نور بيها باعيش مسرور
ترفع نفسي وترفع قلبي تروي الأرض البور)٢

٣- (حبك غطى وستر كل الماضي معاه
قلبك اتحملني وذنبي كمان غطاه )٢
(مُت عشاني هناك قُمت وقُمت معاك
شلت الهم سفكت الدم بحُبك نلت رضاك
كتبتلي عمر جديد فكتني من القيد
أنا مديون لك أنا راح أكون لك بيك خليتني سعيد)٢

١- (يا إلهي ناد قلبي فآتي إليك
يا إلهي أنت قربي وشوقي إليك)٢
(كاشتياق العطشى في الصحراءِ لِماء
صرختي أيا نبعي أريدُ ارتواء)٢

٢- (كل ما في حياتي بدونكَ مَوات
ضحكتي كدمعتي هما باهتات)٢
(أي معنى غيركَ في الحياة أحيا فيه
أنت معنى المعنى في كل حياتي أرتجيه)٢

٣- (في ظلامي لا أُريحُ أحداً ولا أستريح
وآلامي كعذاب السفن في عصف ريح)٢
(لا تدَعني أحيا في ظلمتي للأبد
رُدَّني لا تدَعني أموتُ في ابتعاد)٢

٤- (تهدأُ روحي في الحضن بل أنام
مطمئناً على صدرك الحنون في سلام)٢
(يا أبي كيف يُوصَف حبك العجيب
يا أبي قلبي طاب في حضنك الرحيب)٢

١- (صوته لسه بينده من سنين تعالوا إليَّ يا كل المتعبين)٢
(لو تعبان عنده الشفا لأي جرح وأي داء
وإن ضاع حلمك يوم وتاه هاتلاقى نجاة
لو يأسان من نفسك روح قوله يا أبويا أنا عندي جروح
مستنيك تيجي وبالروح تديني حياة)٢

القرار- (يسوع مريح التعابى والناس الغلابة
بيحوّل الكآبة لأغاني وأفراح)٢

٢- (صوته لسه بينده من زمان مين محتاج لسلام محتاج لأمان)٢
(لو تايه مش لاقي طريق كل حياتك هم وضيق
وسط بحور الدنيا غريق في تعب وسراب
لو بتدور من سنين على أفراح بدل الأنين
لو نفسك متكونش حزين افتحله الباب)٢