في عبوري (15 ترنيمة )

القرار – (اسم إلَهنا عَجيب ومُشير .. صالِح لينا وإلَه قَدير
ثابِت وأمين ما بيتغَيَّر .. يدِّي بغِنى وبدون تَعيير)2
يدِّي بغِنى وبدون تَعيير
1- عَجيب في اسمُه وفي ولادتُه .. عَجيب في كَلامُه وحُبُّه
عَجيب في حَياتُه وصَلبُه .. وقيامتُه دي أعجَب بِكتير
هوَّ الحِصن في يوم الضِّيق .. هوَّ الرَّاعي طول الطَّريق
هوَّ لينا ألزَق رَفيق .. ومن الجافي بيخرِج خير

2- قَدير في عَمَلُه وكَلامُه .. جِبال بِتِهرَب قُدَّامُه
كُلُّه في إيدُه وسُلطانُه .. وبكِلمِتُه بيقول فَيصير
هوَّ الرَّابِع في الأتون .. هوَّ بيفتَح أقوى سُجون
مَهما طال جَبَروت فَرعون .. ضامِن لِلشَّعب التَّحرير

3- أمين وثابِت لينا عَلَى طول .. إحسانُه أبَدًا يوم مايزول
بابُه عُمرُه ما كان مَقفول .. وشايلنا طول المَسير
هِباتُه ما بيرجَع فيها .. كُل صِعابنا كَفيل بيها
وكنيستُه بيقَوِّيها .. قُدَّام أبواب الشِّرير

1- قابِلني و قَبِلتُه ..وحَصَلِت لي حاجَة جَميلَة عَجيبَة مَجيدَة
حَرَّرني وغَيَّرني ..وادَّاني حَياة مِن عَندُه جِديدَة فَريدَة

القرار - مِش لاقي كَلام أشكُر بيه
دَه اللِّي انتَ عَمَلتُه أكبَر بِكتير
مِش عارِف أُوصِف فَرحِتي بِالتَغيير
(اللِّي أنا حاسِس بيه فوق التَّعبير)2

2- رِعايَة وحمايَة ..وهدايَة وشِركَة طول ما أنا في الطَّريق
قُدَّامي ووَرايا ..حَوالَيَّ وفوقي وجَنبي في وِسط الضِّيق

3- دي نِعمَة ورَحمَة ..والخير يتجَدِّد في صَباح كُل يوم
وأمانَة وجود ..بِتشوفهُم عيني وسُبحي ليك يدوم

4- لا كَسَفني أو سابني ..وخَذَلني وقال لي اتصَرَّف شوف لَك سِكَّة
لِلنِّهايَة دَه معايا ..دَه كفايتي ومِش هايسيبني في نُصّ السِّكَّة

1-) عَطشان رَبِّي لرُؤياك .. باستَنَّى وَقت لُقاك
أجري عَليك وأتمَتَّع .. أنا بِالشَرِكَة مَعاك)2
(عَطشان لِلمَيَّه الحَيَّة .. مَلِّيت يَنابيع أرضيَّة
أشرَب وأعطَش مِن تاني .. وبتِدبَل نَفسي فيَّ)2

القرار – (طَلَبي إنِّي أشوفَك .. أنظُر وأتفَرَّس فيك
يتوَحَّد قَلبي لخوفَك .. أتلَذِّذ وأفرَح بيك)2

2- (عَطشان لأفراح حَقيقيَّة .. مَصدَرها وجودَك فيَّ
كِفايَة تَلَذُّذ وَقتي .. عالَم أفراحُه رَديَّة)2
(عَطشان لِلعُمق يا رَبِّي .. المَيَّه عَندي لكَعبي
دَخَّلني نَهر سِباحَة .. مِن مَجد لمَجد أعَدِّي)2

1- كانِت البِدايَة .. لَمَّا اتقابِلت معايا
وعَرَفتِني بِاسمي .. وغَفَرت ليَّ إثمي
غَيَّرت قَلبي فيَّ .. وفَكِّيتني مِ الخَطيَّة
ونير العُبوديَّة .. حَمَلتُه انتَ عَنِّي

القرار - شُكرًا عَ الرِّعايَة .. يا رَبِّي والحِمايَة
اللِّي بَدَأت مَعايا .. قِصِّة جود وهَنا
قِصِّة أعظَم إلَه .. أحَب لِلمُنتَهى
مَجموعَة مِ الخُطاة .. وأوِّلهُم أنا

2- وطول الطَّريق .. في الرَّحب أو في الضِّيق
ما شِلتِش عينَك عَنِّي .. ما مَلِّتش مِنِّي
لَمَّا كُنت آجي لَك .. وأقعُد مَعاك وأحكي لَك
أشكُر أو حَتَّى أشكي لَك .. كُنت بتِسمَعني

3- دايمًا قُرَيِّب ليَّ .. وشاعِر بِاللِّي بيَّ
وبتِفهَم الكَلام .. بِحُبّ واهتِمام
التَّفاصيل الكِتيرَة .. صُغَيَّرَة وكِبيرَة
مَهما كانِت بَسيطَة .. ليها عَندَك مَكان

4- والنَّاس اللِّي في حَياتي .. وحَتَّى ذِكرَياتي
أفراحي والأنين .. دول عَندَك مَعروفين
دي كُل الأمور .. الخير مَع الشُّرور
ليهُم ميعاد ودور .. لِخير انتَ عارفُه فين

1- في عبوري في وادي الخوف .. مِحتاجَة عينيَّ تشوف
إن أنتَ بتُعبُر بيَّ .. حَتَّى في قَلب الظُّروف

القرار - في جبالي أو وِدياني .. أنتَ اللِّي ضامِن لي أماني
وأمشي عَلى مُرتَفَعات .. وأعلِن بيك إنتِصارات
وتحارِب هِنا مِن أجلي .. عَلى صَخرَة تثَبِّت رِجلي
ما أحلى تَرنيمتَك فيَّ .. مَع ليلي في البَرِّيَّة

2- في عبوري في وادي اليأس .. مِحتاج تِرفَعني ببأس
دَه أنتَ إلَهي في بُكرَه .. زَيّ ما كُنت إلَه الأمس

3- في عبوري في وادي البُكا .. شايفَك بِتدَّاوي جِراح
وتفيض فيَّ ببَرَكات .. وأفيض يَنبوع أفراح

4- في عبوري لغاية بُكرَه .. مِحتاج تِملاني بفِكرَة
إنَّك ضَامِن لي السِّكَّة .. والمَركِب لازِم تِرسي

1- ما بيفرِقش مَعايا في يومي .. غير إنِّي آجي لَك في بدايتُه
وأسكُب نَفسي وكُل همومي .. وأخرُج وأنا مِش خايف شَرُّه

القرار - ولا فارقَة الغُربَة بشِدِّتها .. طول ما انتَ نوري في سِكِّتها
ولا فارِق جوعها وعَطَشها .. (انتَ المَنّ وانتَ راحِتها)2

2- ما بيفرَقش مَعايا في طَريقي .. غير لَمَّا تكون انتَ دَليلي
مِطَّمِّن طول ما انتَ بقُربي .. ماشي مَعاك في نهاري وليلي

3- مابيفرَقش مَعايا في ألَمي .. غير يَقين احساسَك بيَّ
أبو الرَّأفَة والتَّعزيَّة .. نَبع سُروري في البَرِّيَّة

4- ما بيفرَقش مَعايا غير حُبَّك .. احسانَك جودَك ومَراحمَك
طول اليوم وبطول الرِّحلَة .. ولغاية ما هاتِخلَص عَندَك

1- (أنا عايزْه أعيش قَصدَك .. والغرض مِن حَياتي
مِش عايزه أعيش لِنَفسي .. أو ألِفّ حَوالين ذاتي)
أتكَرَّس كُلِّي ليك .. ذَبيحَة حَيَّة تِرضيك
وأكون إناء كَرامَة .. نافِع بين أيديك

القرار – (خَلِّيني أكون الصُّورَة .. اللِّي في فِكرَك مَحفورَة
وأتغَيَّر بِأستِمرار .. وتكون صورَة مَنظورَة)2
وتكون صورَة مَنظورَة

2- (أنا عايزه أشبِع قَلبَك .. وتشوف نَتيجِة تَعَبَك
لَمَّا اتنازِلت عَشاني .. وسَكَبت لِلموت نَفسَك)2
أُثمِر في الأعمال .. اللِّي مجَهِّزها ليَّ
وأختِبِر بِأستِمرار .. إرادتَّك المَرضيَّة

3-) أنا عايزه أشهَد عَنَّك .. وأعكِس لِلنَّاس حُضورَك
أفكاري وكُل مَشاعري .. وسلوكي يكونوا في نورَك)2
شَكِّلني بِكَلامَك .. يسكُن جوَّايا بغِنى
ويكون لِسان حالي .. لِلتَّسبيح والبُنا

1- لَمَّا بافقِد كُل أمَل .. ولا مَجال لأي عَمَل
وجَرحي رافِض يندِمِل .. آجي وأرمي عَليك الحِمل
لَمَّا الحيرَة تِملا كَياني .. والظَّلام بيغَطِّي مَكاني
والوَقت واقِف وأنا باعاني .. باشوف فيك وَحدَك أماني

القرار – (لَو بَحر تشُقُّه قُصادي .. لَو أتون تِنزِل مَعايا
لَو جُبّ تِحفَظ سَلامي .. وأيديك تُحرُس خُطايا)2

2- لَمَّا حِملي كان تِقيل .. والكُل قال مُستَحيل
كُنت ليَّ أنتَ الدَّليل .. كان ليك القول الأخير
لَمَّا الموت حَجَب الحَياة .. والغيمَة غَطِّت عَ الضياء
كُنت ليَّ نور الرَّجاء .. ولقيت فيك طوق النَّجاة

3- (أرجَع وأشوف النَّار دي نور .. واشوف المَجد بدون قُشور)2
(واللِّي ماتِت دي البِذار .. فاضِت بِحَياة وبثِمار)2

1- مابتِنساش وعودَك أبَدًا .. مَهما طال عَليها الزَّمَن
مابتِنساش وعودَك مَهما .. غَطِّتنا أزَمات ومِحَن
مابتِنساش وعودَك مَهما .. مَرّ عَليها أيَّام وسنين
مِتشالَة لِوَقت ومِتصانَة .. مَعروف ليها إمتى وفين
يمكِن أشُكّ ويمكِن أتوه .. وعينيَّ مِش شايفَة السِّكَّة
يمكِن أقول أنا ضِعت خَلاص .. أتاريها دي بداية البَرَكَة
(مابتِنساش وعودَك أبَدًا .. مَهما طال عَليها الزَّمَن)2

2- مابتِنساش وعودَك أبَدًا .. مَهما أكَل الجَراد سِنين
مابتِنساش قادِر تِعَوَّض .. وترُدّ المَسلوب ضِعفين
دَه مافيش في قاموسَك يا قَدير .. كِلمَة اسمَها مُستَحيل
في الصِّعاب تِفتَح أبواب .. تِدِّي ثَمَر وافِر وغَزير
ما بتِتفاجِئ بِالأحداث .. ولا تِضطَّر لِلتَّغيير
كُلُّه مَعاك مَعمول لُه حِساب .. وبسُلطان تِعمِل لِلخير
(مابتِنساش وعودَك أبَدًا .. مَهما أكَل الجَراد سِنين)2

3- مابتِسقَطش وعودَك أبَدًا .. مَهما كِترِت الصُّعوبات
مَهما رَفَع العَيان في صوتُه .. وخوفنا زاد في التَّحَدِّيات
كُلُّه لازِم يصير ويحصَل .. ويتِمّ في وَقتَك مَظبوط
السَّما والأرض تِزول .. بَس كَلامَك مِش هايموت
نُملُك ما لينا نحُطّ أيدينا .. لا أسوار تُقَف وسُدود
يعلا هُتافنا وانتِصارنا .. مَعاك فَرَحنا ما لُه حُدود
(مابتِسقَطش وعودَك أبَدًا .. مَهما كِترِت الصُّعوبات)2
مابتِنساش وعودَك أبَدًا .. مَهما أكَل الجَراد سِنين
مابتِنساش وعودَك أبَدًا .. مَهما طال عَليها الزَّمَن

1- برَغم الحيرَة والضُّغوط .. ومِش ماشيَة الدُّنيا مَظبوط
وِسط لَخبَطة الخُطوط .. أنتَ فوق الكُل تسود
برَغم السِّكَّة اللِّي بِتضيق .. والزَّمان دَه زَمان رَديء
بِتشُق في بَحري الطَّريق .. تُعبُر بيَّ يا أوفى رَفيق

القرار – (عَلِّمني إنِّي أشوف .. في العَتمَة ووَقت الخوف
إنَّك سَيِّد المَوقِف .. ضابِط كُل الظُّروف
وأصَدَّق بِالإيمان .. وأهتِف وأقول كَمان
إن كان الله مَعايا .. إيه يعمِل الإنسان!؟)2

2- برَغم هَياج الشَّيطان .. وقُصاد شَرّ الإنسان
أنتَ صاحِب السُّلطان .. والأعلى مَهما إن كان
برَغم بُكرَه والمَجهول .. ومَهما الواقِع صوتُه يقول
بِسَلامَك تِملا العُقول .. ما أنتَ الضَّامِن والمَسئول

3- برَغم الإزعاج في الأخبار .. والمَشهَد مِش في استِقرار
والأعمِدَة جَنبي بتِنهار .. مَسنود ليَّ إلَه جَبَّار
برَغم العَطَش برَغم الجوع .. برَغم ألَم وادي الدُّموع
تُرسي وراسي بيك مَرفوع .. أنتَ إلَهي مَلِكي يَسوع