ورينى إيدك (10 ترنيمة )

القرار- (وريني إيديك أقبلها مديون أنا ليك وباعلنها)2
(يا أبو قلب حنون لغيرك ما هاكون)2
(دايماً ويايا محاوطني أسوار من نار وانت حافظني)2

1-(يا ما سنين عدت وانت عليَّ عينيك
كم مرة بعدت و ردتني ولا هُنت عليك)2
2-(يا ما دموع نزلت منّي مسحتها إيديك
يا ما جراح كانت فيَّ وشفيتها إيديك)2
3-(طول الوقت انت حارسني وسهرانة عينيك
طول اليوم وانت حافظني و شايلاني إيديك)2

1- (مش هاصدَّق اي صوت غير صوت الرب راعيَّ
صوت يزلزل قلب الموت ويصحِّي إيماني فيَّ)2

القرار- (هو ده إلهي القدير اللي وَعَد قدامي يسير)2

2- (إلهي مافيش عنده محال بيغيَّر مجرى الأحوال
يأمر و اللي بيؤمر بيه لازم يتحقق في الحال)2
3- (واللي اليأس بيملك قلبه يستسلم لمرض أو ضيق
ييجي إلهي ينوَّر دربه يرجع أمله يبقى صديق)2

القرار- (لما صوتك بيناديني
أسمعك أصرخ يا سيدي
اؤمر القلب اللي حبك
اللي صابر من سنين)2

1- قلبي عايش ليك يغني
يحكي حُبك و يتأني
والكلام عمره ما يوصف
قد إيه حبك يسوع
2- لما حُبك بيحاصرني
ألقى حضنك ليك ضاممني
ما انت أبويا وأنا ابنك
باهدي عمري كله ليك
3- لما إيدك ليك تاخدني
باشعر إن ما حد قدي
وقد إيه انت شاريني
وقد إيه كان التمن

1-(عند الأقدام الإلهية بارمي بنفسي عليك يا يسوع
واعمل زي الخاطية وأقدم أغلى ما عندي ليك بخشوع)2
(كل مُنايا إنك تقبلني كل مُنايا إنك ترحمني)2

القرار- (وحدك في إيديك السلطان
راح تضمن لي العمر معاك
مش هاتنازِل أنا ما خلاص
قلبي أسير حُبك يا يسوع)2

2-(عند الأقدام الإلهية تهرب من عيني الأحزان
وألقى سلامك فايض فيَّ والقلب بحُبك هيمان)2
(انت غِنايا وشوقي إليك انت حياتي وعمري ده ليك)2
3-(عند الأقدام الإلهية باطرَح كل همومي هناك
واسكب نفسي قدام شخصك واثق إنك حضن أمان)2
(مين هايريَّح قلبي سواك مُنية قلبي إني أبقى معاك)2

1- (أنا ما أنساش)3 يوم ما لاقيتني
(وأنا مطروح)2 وأنا مرفوض من الدنيا
(يومها لاقيتني وضمتني
وداويت لي كل الجروح)2

2-(أنا مديون بعمري يسوع
ولا يمكن هاوفِّي الدين
حياتي معاك بقى ليها وجود
وسلطانك منحها حياة)2
[(أنا ما أنساش)3 يوم ما لاقيتني]2

1-(أنا جاي ومسنود على وعدك وعينيَّ بتنظر لمجدك
واثق فيك وفي قوة حبك انت إلهـي صادق في وعدك)2
(طول ما انت جوة حياتي يهرب خوفي ويعلى هتافي
تهتف نفـسي ده هو إلهي اللي ضامني في حضنه الدافي)2

القرار - (صادق صادق صادق يا ربي انت يا ربي صادق يا ربي في مواعيدك)2

2- (وإن كانت الريح شديدة أنا واثق انك تبكمهـا
في الحديد لو دخلـت نفسي إلى رحبك ربي بتخرجها)2
(ولو شُفـت نهايتي بعيني وماليش قوة اني أتكلـم
تجييني وتمد لي إيدك تعمـل فيَّ لما باسلم)2
3- (مهما التجارب بتجرّحني لمسة حـنـانـك بتريّحني
تزكّي صبري وتفرّحني في كل أموري وتنجحني)2
(زمن الضيقة زمن محدود مهما حزنه وليله يسـود
أنا مستني فجر جديد يوم ما تحقـق المواعيد)2

1-(الله هايعوضني ماضيَّ ويفتح لي كنزه
يشبع نفسي المشتهية ويملاها بخبزه)2

القرار- (أبداً مش هايكون الغد أستمرار لإمبارح
أنا باستقبل زمن المجد زمن الذُل ده رايح)2

2-(ينكسر النير اللي عليَّ وتتقطع ربطي
بخطاوي مجد وحرية دايماً راح أخطي)2
3-(كل بناء سادُّه الخراب في حياتي هايعمر
والخير جاي زي سحاب على أرضي يمطر)2

القرار- (اصنع نهضة وشدد شعبك بالكلمة وعزيه
واجعل روحك يعمل فينا ونرفع لك تسبيح)2

1-(تسبيح يهدم حصون إبليس ويكسَّرها
يصبح إبليس مهزوم واحنا لينا النصرة)2
2-(تسبيح يفك قيود من الأسر يحررنا
ويعوض لينا سنين يسوع انت ضامنها)2
3-(تسبيح يرفعنا لفوق ويغيَّر ملامحنا
يطبع صورتك يا يسوع فينا وتفرحنا)2

القرار- (أطلب وجهك ده كفاية أنظر وجهك ده شفايا)2
(مش مستني يا ربي منك إلا سيرك ويايا)2

1-(تحت ظلك نتواعد نمشي معاً ولا نتباعد)2
(قلبي مريض بحُبك ربي ما بيشبع منه كفاية)2
2-(كل ما فيَّ بيشتاق ليك لجلسة عند قدميك)2
(أحكي لك بشوقي وانت تحكي بالروح جوايا)2
3-(غِنى وكرامة أعطتني قِنية فاخرة أغنيتني)2
(شبعان أنا مش طالب إلا انت ده انت تاجي وهنايا)2
4-(حُب يسوع واضح معروف حُبه ملاني وطرد الخوف)2
(حُبك دوا حقيقي موصوف بالقى فيه كل حماية)2