استيقظ الآن (13 ترنيمة )

1- في الأول خلقتني ونزلت و حررتني
نعمة مجاناً ليَّ من غير مقابل ببلاش
علشاني تنازلت كتير وناقشني على كف الإيد
وفي قساوتي وشري عليك ما بشوفش غير الحنان

القرار- (القلب مشتاق يشوفك امتى هاتيجي يا حبيب؟
مستني إلهي مسيحي اللي فداني على الصليب)2

2- الموت ما يقدرش عليك قوة دي نصرة في إيديك
ده انت اللي تِكفي الواحد مين زيك ما أنت الإله!
سلامك غير أي سلام لو فين أنا معاك في أمان
عظيم إله قدير سلطانك قوي في الأزمات

القرار- (أمامك شبع سرور في يمينك نِعم تدوم
إلى الأبد .. إلى الأبد )2

1- يا الله أنت إلهي .. أنت إلهي إليك أبكر
(عطشت إليك نفسي و يشتاق إليك جسدي)2
2- احساناتك هي جديدة .. هي جديدة في كل صباح
(تفتح يدك فتُشبع كل حيٍ من رضاك)2
3- باركي يا نفسي الرب .. ولا تنسي حسناته
(كل ما في باطني ليبارك اسمه)2

1-(لما بادخُل محضرك وأشوف جلالك وأبُص على نفسي بانكسِف
قدام حنانك وفي نور كلامك كل زيف فيَّ ينكشف)2
تنزل دموعي وأصرخ ارحمني
عبدك أنا خاطي وباعترِف
ده بدم ابنك وموت صليبك حبك للعالم أتعرَف

القرار- قويني في حربي على إبليس وجنده
يقودني كلامك لو فين اروح؟
وحقك سَاندني في ضعفي شاددني
وغالب في إيدي سيف الروح
بتجرح وتعصب وتشكِّل وتسحق
و إيديك بتِشفي كل الجروح

2-(باجي لك وباكسَر عُلّوي وذاتي وباسكُب دموعي عند رجليك
مش فارق معايا لو الناس شافوني إيه راح يقولوا عليَّ وعليك)2
تسبقني دموعي وتصرخ سامحني
طهرني بدمك قدسني فيك
3-(قوِّمني من قبري اندهني باسمي فتحيا عظامي من بعد موت
وأعيش لك يا ربي بالروح مش بجسدي تشهد لك حياتي يارب الوجود)2
كلامك ينوَّر ضلمة حياتي ونفسي تجدد العهود

1- أفنيناك قصة أيامنا ضيعنا شبابنا في أمانينا
وجمعنا جمعنا في كيس منقوب في الأخرإيه فاضل لينا
وبرغم بعدنا وقسوتنا وبرغم الفقر اللي مالينا
إحسانك دايما ظللنا وبعهد سلامك تغنينا
القرار- يا إلهي ارحمنا ويقظنا من عالم فاني مضيعنا
بالروح الناري شدنا ليك وبيد قديرة ترجعنا
2- الشعر الأسود صار شايب وكبرنا كبرنا في غمضة عين
وبنجري بنجري يمين وشمال أعباء وحمول وراها لهفين
حوالينا عنينا عن أمجادك ولمجد الأرض بقينا باصين
وبرغم كدة مستنينا نرجع ونتوب وقلوبنا تلين
3- أجسامنا بتعبد وشفاهنا والذهن بعيد عنك شارد
وسجود وعبادة ببرودة والأب طالب بالروح ساجد
أخترنا نسيب أحكام عدلك وكلامك صار عننا شاهد
وصليب الحب صار قصة والقلب تجاهه بقى بارد

1-نبع من قلبي دمعة للسما على شرنا
ولقيتني في قلبي باصرخ أول الخطاة أنا
ده احنا بخطية واحدة أتشوه كل جمال هنا
ولحد النهارده بنرجع ونعيش لنفسنا
القرار - ما كفاية فتور ما كفاية شرور ويوم طالع ويوم نازل
ما كفاية زيف حاطط قناع والصدق ضاع فين الفاصل
وحب ذات خد وهات ودوافع لسه بتفاصل
ما كفاية غيرة ظنون شريرة بطرق العالم نتواصل
ما كفاية وعود لله بتدوب ولا في تغيير بادئ حاصل
وحب ذات خد وهات ودوافع لسه بتفاصل
2- وعدتك أعيش لمجدك لكن لسه باعيش ليَّ
فاكر ينفع أعيشلك وأنا ليَّ نصيب فيَّ
أنا جايلك باعترفلك أحرق كل أنانية
أنا عايز أعيش لمجدك عايز أعيش في الحرية

1- عايش في الدنيا بقلب غريب مستني في يوم يوصل بلدة
ومهما يكون طول الأيام عارف إنه سنين تجري وبيعدوا
زادي في السكة وعود الله إنه ساندني مشدد عودي
وعدوي إن يحاول يكسرني يد إلهي محاوطة وجودي
2- لو مريت في دروبي صعبة اسم إلهي حصني العالي
وما بنيجي سنين لحصاد تعلى الترانيم توصف حالي
سلمته الدفة طول المشوار ولا يوم يخلف وعده معايا
أبداً ما يسبني في يوم أحتار يرشدني وينور من جوايا
3- فيه إيمان ثابت رغم الأحزان إنه أبويا وراعي حياتي
ومها زاد هنا غدر الإنسان ليه صليب سر نجاتي
أفراح تغمر قلبي التعبان لما بنور وجه بيجيني
وسط الليل بيعلى صوت الألحان تحت جناحه بيحميني
وعدوي إن يحاول يكسرني يد إلهي محاوطة وجودي

1- أعلم يا أبي أن التوكل باب إيماني
هبني روحك فيتنقَّى عملي ولساني
وأغفر لي إن كان يقيني صغير
كيف يا أبي أتوكل على مخلوق مثلي وأنت الخالقُ
لا تقصر عن تدبير من توكل على تدبيرك
يا الله
يا خالق العيون أيمكن ألا ترى؟
يا غارس أذناي أيمكن ألا تسمع؟!
الساكن في قلبي ألا تشعُر بي؟!
بما في داخلي؟
2- حررني يا أبي من خوفين باتا في ضعف نفسي
ندمي على ماضي وقلقي من مستقبلي
فقلبي لا يعيش حاضري
يا الله
يا خالق العيون أيمكن ألا ترى؟
يا غارس أذناي أيمكن ألا تسمع؟!
الساكن ف قلبي ألا تشعر بي؟!
بما في داخلي؟
3- أبي إني منك ولك فنجني بعفوك
أسلّمك ذاتي أقترب إليك
فبك أُدلّ عليك
يا الله
يا خالق العيون أيمكن ألا ترى؟
يا غارس أذناي أيمكن ألا تسمع؟!
الساكن في قلبي أُعفو عني
لأنني ظلمت نفسي
يا أبي

(أنا نفس الإنسان وأنا اللي قولت زمان
راح أحبك وأعيشلك واستناك سهران)2
(ياما كتير في صلاتي ياما قدمت عهود
إني ها أكون لك جندي بأمانة لما تعود)2
(وأنا مش عارف ليه أو امتى وأزاي
بردت كل محبة أوأشواق جوايَ)2
(هَم الدنيا خدني صرت كسول غفلان
وعينيَّ على العالم وسراجي خفتان)2
(أنا جايلك عشمان جاي بشوق وخضوع
ترسل قوة جديدة أقبل في اسم يسوع)2
(رد حرارة روحي تكريسي وأشواقي
وإن ضاع مني كتير بارك إنت الباقي)2
وإن ضاع مني كتير بارك إنت الباقي

1- أخطينا إلى إلهنا واخترنا الشر طريق
من أكبرنا لأصغرنا ماحدش فينا بريء
ضلينا وجت رجلينا في الوحل وعايشين فيه
وبقوة دم صليبه هو يطهرنا
القرار- (ويعود ويرحمنا ويدوس على آثامنا
ويطرح في أعماق البحر جميع خطايانا)2
2- تشهد علينا آثامنا فصلت بينا وبينه
صارت أشواك خطايانا مغروسة في جبينه
وبحب إلهي بيغفر وإحنا اللي صالبينه
كسرنا وصايا الآب وهو صالحنا
3- نرجع ونتوب قدامه ونسلم أمرنا ليه
وتصير طرقه وأحكامه دستورنا اللي نعيش بيه
فسدت أواني الفخاري لكن لسه في إيديه
هو خالقنا وفادينا من تاني يصنعنا

1-(جاي أتجرأ وأدخل قدسك غير النعمة مفيش يسترني
شايف ضعفي وقلة حيلتي ورجاي في حبك تقبلني)2
بعت الغالي برخص تراب فكرت إن أنا كده كسبان
وجريت ورا وهم وسراب ضيع مني كل آمال
2-أنا راجع وبكامل وعييَ باصرخ وباقول لك ارحمني
شبعان من همي ومن تعبي وبإيدك إنت تخلصني
(أخلق في قلب يغني بدل القلب اللي بيوجعني
وبنورك أملك على فكري بعد الضلمة ما كانت سكني)2
3-جاي أتجرأ وأدخل قدسك غير النعمة مفيش يسترني
شايف ضعفي وقلة حيلتي ورجاي في حبك تقبلني
أخلق في قلب يغني بدل القلب اللي بيوجعني
وبنورك أملك على فكري بعد الضلمة ما كانت سكني
جاي أتجرأ

القرار- (أنا واثق إني ابن ليك اسمي منقوش في كفيك
قوة الوعد في كلامك تحفظ سلامي وراحتي فيك)2
1- حتى لو كانت عيوني شايفه برية مُره جاية
ياما شخصك المريح عدى بيَّ وسقاني مية
كنت حاضر في الليالي لما شكي بالخوف ملاني
لكن بنورك أتولد فجر الأمل في حياتي تاني
2- بنعمتك عابر نيران وفي وسطها مليان سلام
أنا شايفك بإيماني وإيديك بحنان محاوطاني
تبقى جانبي كصديق وسط همي أو في ضيق
تمنحني وعدك بالفرح حتى ولو ضاق الطريق

(خلّي جمالك يكون فيَّ يا ربي الحبيب
خلّي كياني يتملي منك وعنك ما أغيب)2
(إيدك في إيدي ارفعني ليك واسبيني بيك
لاسمك هاغنّي أحلى الأغاني وأنا بين إيديك)2
(انت يا ربي بلسم جروحي
وانت عزائي تشفي لي روحي)2
(وانت ضماني وحدك أماني
كل ضعفي نصرة صارت بين إيديك)2
(إيدك في إيدي ارفعني ليك واسبيني بيك
لاسمك هاغنّي أحلى الأغاني وأنا بين إيديك)2

1-)أنا بارفع قلبي إليك في كل لحظة من عمري)2
حياتي ملكك يا ربي يا يسوع سلمتك أمري
القرار- (ماليش حياة بعيد عنك باخد سلامي من حضنك
كل التعب والأنين بلمسة يدوب في كفك)2
2-(هارفع لك كل خطية وأقدم توبة إليك)2
اقبلها ربي واديني بدموع اغسل رجليك
3-)هارفع لك خوفي وضعفي وأصلي بيه أنا بين إيديك)2
أطلب من روحك النصرة وبقوة أتكل عليك