ساكن حصنك (10 ترنيمة )

القرار- (مضطهدين وده مخلينا متأكدين
من إيماننا في يسوع واثقين
ده كلامه وقاله على أرضنا هنا من سنين)2

1-(مهما العالم يكرهنا وضيقاته بتيجي أكيد
وعد إلهنا يفرحنا في السما فرح وتمجيد)2
(ويهم إيه في الأرض إيه
دي الأرض فيها عذابنا
أهم شيء احنا في إيديه
وفي السما هايكون وطنا)2
في السما هايكون وطنا
2-(مهما العالم يطردنا ويزرع حوالينا حديد
دايماً حامينا إلهنا وإيمانّا فيه بيزيد)2
(متعزيين على أي حال
لو شوفنا موتنا بعينّا
قوة إلهنا تمحي الجبال
ودايماً في عيونه مكانّا)2
3-(حُبك لينا يا يسوع هو سندنا وسعادتنا
ومعاك على طول يا يسوع مهما العالم اضطهدنا)2
(انت معانا كل الحياة
وحُبك ده كل حياتنا
انت اللي فيك طوق النجاة
وتمسح لينا دموعنا)2

1-(مهما العدو ألهب سهامه و وجِّه نحوي
دايماً يا يسوع انت اللي بتيجي تحامي عني)2
(وبتطلُب من أجلي علشان يقوى إيماني
وبتطلُب من أجلي وبتحفظ إيماني)2

القرار- ساكن حِصنك و هافضل ساكن
(ساكن حِصنك يا قوتي ساكن
ياللي بتضمَن لي نصرتي ساكن)2

2-(مهما العدو بالخوف والضعف أحزن قلبي
انت اللي بتيجي و تشدِدني وتقف جنبِي)2
(وبفرحك الأبدي تهرب مني أحزاني
أبتهج من قلبي و أتقوى في إيماني)2
3-(انت رجايا اللي بييجي يخلَّص نفسي
وانت إلهي وفي طريقك أقدِّس نفسي)2
(ودايماً انت يا ربي من ضعفي ترفعني
وتخلَّصني يا ربي وتقويني في ضعفي)2

القرار- (هافضل احبك يا يسوع
وهاقولها بصوت مسموع
انت الإله اللي شابعني
هافضل أحبك يا يسوع)2

1-هافضل احبك واعبد شخصك
وأغني لاسمك كل حياتي معاك
ياللي فديتني بالروح أحييتني
وبقوة ساندني أعدي وأنا في حِماك
2-حياة اديتني ببرك كسيتني
بنورك دعيتني أعيش دايماً وياك
برغم شروري وكل عيوبي
غفرت ذنوبي وطهرتني بدمَاك
3-قريب مني دايما سامعني
بالروح تجاوبني و بتملا القلب سرور
إلهي راعيَّ يسوع فاديَّ
وعينك عليَّ حاميني من كل شرور

القرار- القلب فقلبك معبده.. الروح فروحي تعبده
الحسن أمام جمالك لا.. مكان لرأسي يسنده)2

1- (يسوع الفادي حبيب القلب.. فقلبي يَبَاتَ يُمَجِده)2
(بِحُبِهِ تسمو وتعلو حياتي.. مدى الأيام تؤكده)2
2- (يسوعُ يا مات بديلاً لموتي.. فكيف لعقلي يفطِنِهُ؟!)2
(قد أحيا آمالي وأَزهر عمري.. فبين ضلوعي موطنه)2
3- (نظرت عيناي غزير دماكَ.. فجِئِتُ لجُرحك ألثُمُهُ)2
(شفيت لي روحي شفيت جروحي.. أعبداً مثلي تكرمه!)2
4- (قد جالَ بخاطري يوم لِقَاكَ.. متى ألقاكَ في السُحُبِ؟)2
(يتم الوعد ويبدو سَناكَ.. كما قد جاءنا في الكُتُبِ)2

1-(عمر ما عنك توهنا وضيعنا إلا وتدوَّر علينا
إن ضيعنا ولا أنكرنا من حبك بتغفر لينا)2

القرار- ادمت لينا الحياة حبيتنا واحنا خُطاة
(انت مسيحنا ولينا رجاء دايماً فاتح بابك لينا)2

2-(جيت بجناحْ النسر تاخدنا وحملتنا على منكبيك
و تمردنا عليك وبعدنا فديتنا و رجعتنا ليك)2
3-(لو سَمَحِت إيدك بتعبنا بتنقِينا نعيش إليك
تبقى انت وحدك حياتنا طول الرحلة رجانا عليك)2
4-(الأمواج تعْلى بتسنِدنا المركب واحنا في إيديك
تيجي بسلطانك تنقذنا ده الكون كله بيخضَع ليك)2
5- ونغطي بحُبك مشوارنا وسط الضيق بنلاقيك

1-من أجل أمانتك انت
ومن أجل حُبك انت
ومن أجل رحمتك انت
أنا هاكمل المشوار
من أجل وعدك انت
ومن أجل قوتك انت
ومن أجل إستقامتك انت
أنا هاعيش في انتصار

القرار- يا يسوع كل إعتمادي
عليك انت في البرية
يا يسوع كل إتكالي
عليك في الغربة دية
مين غيرك يقدر يقوِّني
إني أمشي وأحمل صليبي
(غيرك انت)2 يا يسوع

2-على الصعب انت علّيني
خطواتي انت تهديني
على الماية انت تمشيني
أعيش دايماً مرفوع
بكلام الحق تقودني
وبروحك انت بتسندني

على منكبيك تحملني
أحيا إليك يا يسوع
3- في الضيق تمنحني سلامك
تغمرني انت بحنانك
تخليني أتبع خطواتك
عالي فوق الظروف
من وسط النار تخرجني
وسط الأسود بتعيني
ودايماً قريب منّي
بتنزع من قلبي الخوف
4-قلبي شايف الأبدية
وروحي لامسة التعزية
وباكره فِعل الخطية
ابنك مولود من فوق
واثق فيك دايماً ربي
إنك مدبر أمري
تدّي حياة لقلبي
وحياتي منك من فوق

القرار- (انت مستحقٌ أيها الرب أن تأخذ المجد والكرامة والقدرة
لأنك انت خلقت الأشياء وهي بمشيئتك كائنة وخُلقت)2

1-(قدوسٌ قدوسٌ قدوسٌ الرب الإله القادر على كل شيء)2
الذي كان والكائن والذي يأتي الإله القادر على كل شيء
2-(رئيس ملوك الأرض والسما الذي بدمه قد أحبنا)2
وجعلنا ملوكاً وكهنة لله أبيه الإله القادر على كل شيء
3-(الأمين الصادق الشاهد للحق بداية خليقة الله المُحب)2
الخروف المذبوح الجالس على العرش الإله القادر على كل شيء
4-(لك يا من ذُبحت وأشتريتنا لك أعطي المجد والحكمة والغِنى)2
لأنك من وسط كل لسان وشعب لمجد اسمك قد أختارتنا

القرار- (مخلوق على صورتك قيمتي إني ابنك)2
وغالي عليك أنا غالي أغلى من أي شيء
(دفعت علشاني دمك أظهرت ليَّ حُبك)2
وغالي عليك أنا غالي أغلى من أي شيء

1-(مهما الناس حاولوا يقللوني
وظروفي وحياتي يعاندوني)2
(ده أنا ليَّ عندك خطة انت كاتبها بإيدك
وكفاية إني على صورتك وكفاية إني حبيبك)2
وكفاية إني حبيبك
2-(لا الحال المادي ولا لبسي وشكلي
لا فلوسي ولا مهما إن كان عندي)2
(ده أنا كنزي الحقيقي قلبي اللي غيرته
ودايما بتجدد فيه وبروحك سكنته)2
روحك سكنته
3-(معرفتي بشخصك هي متعة نفسي
اعلن يا إلهي وإليك قربني)2
(اشغلني يسوعي بقربك ده انت لذة نفسي
خليني أقرب منك وبشخصك عرَّفني)2
وبشخصك عرَّفني
4-(غايتي وأفراحي إني أخضع لك
ومعنى حياتي إني أمجد اسمك)2
(ده انت الحياة وما فيها انت النور المُحيي
ولا شيء ياخد مكانك ده معاك راحة نفسي)2
ده معاك راحة نفسي

القرار- (اية هي حقيقة إيمانك اعرفها دايماً بثباتك
اعرفها من واقع حالك اللي انت عليه وبيحلى لك)2

1-(بتحب مين أكتر العالم ولا الله
عايش مع مين أكتر العالم ولا الله)2
بتجاهد وتحارب وإبليس دايماً غالب
ولا بترجع وبترتد أول لما تشوفها مصاعب
2-(بقيت تسلك في النور ولا ماشي في ظلام
تركت كل الشرور ولا وعودك دي كلام)2
بتتجدد بالروح وثابت منين ما تروح
ولا عايش في خطاياك في حياة مليانة جروح
3-(حاسس بمعنى حياتك ولا بتعد أيام
عايش بسلام إلهك ولا ما عندك سلام)2
بتعدي الأسوار بتواجه الأخطار
ولا واقف في مكانك ودايماً عايش محتار
4-(لابس سلاحك الكامل ولا دايماً مهزوم
في كل ظروفك ساجد ولا شايل الهموم)2
أهدافك أبدية هارب من فعل الخطية
ولا القلب حناه الشر وضاحك عليك الحيّة

القرار- (شفته على صليبه وعرفت إني حبيبه
اللي فداني بدمه وفتح لي بيته
اللي رفع عني الخطية وعطاني حياة أبدية
وصار ليَّ التبني وشاهد عن صنيعه)2

1-(لما لقلاني ضليت بعيد وعايش تعبان مش سعيد)2
جِه علشان يردني ليه ويبدل قلبي بقلب جديد
2-(لما لقاني كلي خطية وحكم الموت هو اللي عليَّ)2
جِه وبقالي حياة أكيد وبقالي فيه حياة أبدية
3-(لما لقاني عبد مأسور ومش قادر أشوف النور)2
جِه خلصني من كل ضيق وفداني من كل الشرور
4-(لما لقاني خاطي أثيم ونهايتي نار في الجحيم)2
جِه قدم نفسه بدالي وفداني بدمه الكريم
5-(لما لقاني عاجز في عملي وفاكر إني هاخلص نفسي)2
جِه يسوع وحدني بيه وربقى هو ذبيحة بري