نقطة ونبتدي م الأول (10 ترنيمة )

القرار - سيبك من كل اللي فات
ياما جوانا حكايات لو هنحكي في الذكريات
ياما الجراح سابت علامات
1-ياما باكينا على اللي راح
ياما علينا صوتنا نواح
ياما كتير ضاع مع الرياح
لا شفنا نور ولا شفنا صباح لكن هو ولا يوم سابني
طول حياتي واقف جنبي ليه أفكر وأشغل بالي
أنا يسوعي هو آمالي
2- ياما شقيت أيام و ليالي
وصحيح الدنيا ملهاش غالي
أشكي لمين وأحكي لمين غيره
هو إلهي وداري بحالى
كل دقيقه فيها شايلني وكل ما أقلق بيطمني
أصل أنا ابنه
وأخد باله مني وإيه في بكره هيخوفني

القرار –(شُفت معجزاته … قريت تاريخ حياته
ده أعظم مناللي جاي وأروع مناللي فاتوا
مُعلم للبشرية … طبيب بدون أدوية
الخير والمحبة أسلحته الإلهية)2
1-(الأعمى فتح عينيه … والميت قام بين إيديه)2
غير معنى الصليب … هزم الموت الرهيب
(هـدَّى البحر والريح … شفى الأبرص والكسيح)2
قالوا عنه إله قدير … قالوا عنه عجيب مشير
2- (أكِّـل خمس الأف ... والكل شِهد وشـاف)2
أمر السمك في المَيَّـه … دخل الشبك بالمِيِّـة
(خلَّى الفتية الأبرار … يمشوا في أتون النار)2
حتى فـي جُـب الأسود … كان مع دانيال موجود

القرار – (حبك يا يسوع خلاني من جوه واحد تاني
عايش في العالم عارف مش هو ده مكاني)2

1- (والدنيا مهما عملت أخدت مني أو خلِّت)2
مش فارقة بقى معايا ما هو عمري كله فاني
مش هو ده مكاني … مش هو ده مكاني
2- (وإن قامت حرب عليَّ وسهامها كانت قوية)2
هامسك في وعودك ليَّ و ألقى في حضنك أماني
وهو ده مكاني … هو ده مكاني
3- (والناس لو جرحت فيَّ أنا ها نسى كل أذية)2
و هاعيش أنا مستني بفرحة و بأغاني
ماهو انت جاي تاني … انت جاي تاني

-1 مين بيوقف جنبي في وقت شدتي
مين بيمدلي أيده أقوم من وقعتي
مين لما ببعد عنه يقولي وحشتني
مين لما بحتار في حاجة كلامه يدلني
القرار - مالقيتش غيرك يا رب
مالقيتش غيرك قُـريب
مالقيتش يا أحن أب زيك لجرحي يطيب
(وأنا مهما رُحت أنا ولا جيت
مش هلقى أنا برة في حضنك بيت)2
ولا في زي أيدك تسند مهما دورت و لفيت
2-هاحكي و أقول لكل الناس مين اللي فداني
شال عني كل خطية ومات هو مكاني
راح لسماه ووعدني قُريب هايجي تاني
يأخذني معاه أعيش وياه في أفراح وأغاني

1- (لو كانت الدُنيا مزعلاك أوي .. والظلم فيها بقى بالقوي)2
(حقك متاخد قدام عنيك صوتك مش طالع مخنوق فيك)2
(هـو حاسس بيك .. هو عـارف اللي فيـك)2
حقك هايجيبه .. ده مش هايسيبه
لو مش دلوقتي أكيد بعدين

2- (صدقني هـــو هايرفعك ميت ضِعف وأكتر يقدر يعوَّضك)2
(ده مَافيش أحن منه عليك هـو إلهك هاينجِّيك)2
(هـو حاسس بيك .. هو عـارف اللي فيـك)2
حقك هايجيبه .. ده مش هايسيبه
ده وعده ليك و هو أمين

1- صدقني ما أستحق أن أناأبقى ابنك
ولا كان ليا الحق أني أصلي و أسجدلك
ولا يوم عرفت هتاف ... ولا بطل قلبي يخاف
إلا لما لقتني، وعلى عمري ملكتك
القرار - مجداً ليك يا إلهي الحي، مجداً ليك يا يسوع
كل سنيني وعمري الجاي هخلى اسمك مرفوع
2- جيت عـلى الأرض وشلت آثامي وأدتني الغفران
بعد الحزن وبعد ضياعي بقيت وياك فرحان
أنا كنت زمان بعيد وحياتي عايشها وحيد
لغايه لما جيت لك وحياتي أديت لك

القرار -
بنت يسوع، هـو ده اسمي
أنا على صورته، ده شكلي ورسمي
محبوبه في عينيه … وغالية عليه
وغلاوتي وقيمتي جراحات إيديه
1-كان تمني صفر ولا يزيد
ومصيريكان موت أبدي أكيد
جه مات و أداني عمر جديد
خلى حياتي غُنى وأناشيد
وخلاني أقول: أنا بنت يسوع
2-شكراً ربي ياللي فديتني
وبيد قوية نجتني
كفكفت دموعي وعزتني
ضمدت جراحي و قوتني
وخلتني أقول: أنا بنت يسوع

القرار - ياللي بتحبني .. ياللي غمرتني
ياللي دخلت قلبي .. وجيت نورتني
حياتي اتغيَّرت .. وقيودي أتكسَّرت
والصعبة معاك بتعدي .. ومن يومها ما سبتني

1- (هافضل طول عمري فاكر إن إلهي قادر
أقوى من كل ظروفي وياه مفيش مستحيل
وإن صلاتي سامع لو في مشكله واقع
بكرة الفجر طالع مهما طال الليل)2
2- (أنا قلبي بحبه دايب من يوم ماجيت له تايب
ده اللي يدور عليه بيلاقي في حضنه مكان
هو بيرحم دموعنا مستني يوم رجوعنا
مش هايدخُل قلوبنا من غير استئذان)2

(أنتِ فين؟! أنتِ فين؟!
سألت نفسي أنتِ فين!!
بره السفينة! جوه السفينة!
ولا بين الإتنين؟!)2
ولحد امتى هابقى محتار
امتى أنا هأخد قـرار
هل يا ترى أخر المشوار
هيعدي ليلي و أشوف النهار
(مد إيدك خد بإيدي
قبل ما يتقفل الباب
عايزك ملكي وسنيدي
ده أنا ضاع عمري فـي سراب)2

القرار – (نقطة ونبتدي م الأول حاسس إني حد جديد
أنا جوايا متغيَّر قلبي أنا عاش يوم عيد)2
1- (أنا مش أنا أنا واحد تاني أنا يسوع غيَّر لي زماني)2
شال الضعف من جوايا و بالقوة جه وملاني
(بص عليَّ وقالي كفاية انت مكانك هنا ويايا)2
سيب اللي شاغلك عني اتبعني وأمشي ورايا
2- (رعشة في قلبي و كل كياني صوته في قلبي هز مكاني)2
ده كان طلبي شوية مَيَّه قالي النهر ده كله عشاني
(أنا حبيبي خلاص لقيته اللي عمري و قلبي اديته)2
يعمل بيَّ اللي يشوفه ده أنا هاعيش خدام في بيته
3-( بالروح جه وعمِّدني على لساني كلامه كلمني)2
خلاني طاير بيه من الفرحه عشان فاهمه وهو فاهمني
(أنا متحوِّل شعلة نار عرفت إن أنا بيسوع جبار)2
مفيش شيء يقف قدامي حتى إن كان جبل ينهار