فرصة 2 (19 ترنيمة )

1- (يوم جديد الدنيّي عيد أنا كتير سعيد
الرب عطاني نهار هداني تما كون عنه بعيد)2


القرار- لأنه يسوع هو ال ط ر ي ق هو الطريق
لأنه يسوع المسيح هو ال ح ق هو الحق
لأنه يسوع هو ال ح ي ا ة هو الحياة
(هو الطريق والحق والحياة)2

2- (متل الريشة أحلى عيشة في أو ما في شي
الرب الراعي ما في داعي نعتل هم كل شي)2
3- (دق الباب سماع جواب من قلب الكتاب
كل يوم آية فيها حكاية محبة بلا حساب)2

الله بيحبني كتير قد ما كنت صغير
ولما حياتي الطويلة بيسوع بربطها
بييجي الشيطان بحيلة كل حياتي بيخربطها
وبيحاول بحياتي يهد ويسوع بيصير فيَّ يشد
يا ربي شو بتقدرني ودايماَ بتحامي عني
من الشرير بتخلصني لأنه بيغار مني
بدي على دربك سير حتى أكتر متلك صير
إذا قلبي مع يسوع كل إيامي ما بوطا
كامش إيدي وماشي طلوع مع محبة وعبّوطا
وبيكبر قلبي نوسي وبتخلص من السوسة
وانت ياللي عم بتسمعني هاي الخبرية كمان إلك
بين الخير وبين الشر يسوع قادر ينشلك
وبيحوِّل حياتك عيد وبدك ها الغنية نعيد

يا مراية يا مراية من ورا البرداية
خبريني شو عم بتشوفي عم بتشوفي حكاية؟
دايمًا بحاول قلد ناس بحبن كتير كتير
بيي أو إمي بيا البيت أختي أو خيي الكبير
بس لازم أشبه حالي ولا شخصية أستعير
الله ميزني بالشكل وبالمضمون وبالتفكير
إذا شي يوم بدي أعكس بالمراية شي حدا
بحب أعكس ربي يسوع الكرمالي حياته هدا
بعكسه مش بس بالصورة كل حياتي بيجددا
هوي بيغير أفعالي وكل أغلاطي بياخدا

(بحب الرب بحب الرب بحبه من كل قلبي
بحب رفيقي لا ما بحبه يعني ما بحب ربي)2
(كيف فيِّي هوي اللي ما بشوفه حبه وأوثق فيه
لما رفيقي اللي بشوفه ما بتطلع فيه)2
يسوع علمني بإنجيله كيف فيّي حبه
و شغلة بسيطة لحتى اوصل لقلبه
القصة هينة منا صعبة بس هيِّ عن جد
إذا أنا بحب رفيقي يعني أنا بحب الرب

القرار- بيخوفونا بأم رعيدي وعم الغول وأبو كيس
يسوع أقوى منُّن كلن وأقوى من أقوى إبليس

1- ياللي بتخاف من العتمة العتمة ما بتعمل لك شي
عكس النور هي الظلمة اتنين بيكملوا العيشة
غمض عيونك وصلّي وبتتغير كل الحالة مع يسوع
2- ياللي بتخاف من العجقة والصوت القوي والضجة
في أصوات بتطلع فجأة بلا سبب ولا حجة
غمض عيونك وصّلي وبتتغير كل الحالة مع يسوع
3- ياللي بيخوّفك قصاص لما بتعذب أهلك
ما لازم تكبّر رأس كون مطيع أفضلك
غمض عيونك وصلّي وبتتغير كل الحالة مع يسوع

القرار- (ها الأرض اللي ربينا فيها من جد جدو لجدي
أنا بدي عيش فيها أكيد وعن جد جدي)2

1- الرب يسوع علّمنا نصلّي لكل رئيس ومسئول
حتى الله يعطي الحكمة والسلام يبقى ع الطول
2- لما نعطي وطننا حقه بالصلاة والاهتمام
م نكون عم نطيع الرب اللي وصانا بالسلام
3- حبي لبلدي عم يكبر كل دقيقة وكل تكة
بس حبي للسماء أكبر اللي هيّ نهاية السكة
4- الوطنية مثل الإيمان لازم نعيشها بملئها
و نكون رسل سلام ببلادنا يحلى الملقى

1- اطلب الرب مادام يوجد ادعوه وهو قريب
فلا تدع النهار يمضي ولا لا الشمس تغيب
(دون أن تصلي لله المتجلّي)2
الرب هو هو يسوع اسمه علّي .. علّي
2- ليعلن أفكاره كتبها كتبها في الإنجيل
لندرك طريقه رسمها رسمها لكل جيل
(فتعال لنصلي الله المتجلّي)2
الرب هو هو يسوع اسمه علّي .. علّي
3- من فمه كلمة الحياة فصلِّ ولا تَمل
أمل أذنك اسمع الآيات لغيره لا تمِل
(فيحلو أن تصلي لله المتجلّي)2
الرب هو هو يسوع اسمه علّي .. علّي

غير غير شكل الله خالقني غير شكل
أنا بحط نظارات وما كتير بشوف بعيني
وأنا بمشي مع عصا ما بشوف أبدًا بعيني
بس عنا أصحاب كتير ما نحبن وبيحبونا
كل واحد منا غير شكل بالطبع وبالشكل
وما نساعدهن وبيساعدونا كلنا كلنا غير شكل
وأنا بحكي كلمات وما بقدر سكت حالي
وأنا بحكي إشارات لأني ما بسمع ع حالي
وأنا كتير زكي بالصف بس دايمًا قاعد ع كرسي
وأنا كتير سريع بالركض بس ما كتير بشغل راسي

إيج إيج إيجابي تعا ودق ع بابي
خبرني شو يعني كون إيجابي مع أحبابي
Pose pose positive
يا لطيف شنك ظريف خبرني شو يعني وكيف
إني كون
positive
كل إنسان فيه حسنات ومن ميلي فيه سيئات
بدي شوف الحسنات وما تفرجيني السيئات وهيك بتكون
إذا بتحكي اللي لازم بتشجع وبتكون سند
بمحبة وبالحق حازم من دون تعصب وعند وهيك بتكون
شوف الميلة المليانة من الكباية وسيسرها

يا سلم المحبة يا للي بتوصل للسماء
طلعني درجة و درجة المحبة أفهما
حب الرب بأول درجة
حب أهلي بتاني درجة
حب القريب بتالت درجة
حب الغريب برابع درجة
حب الوطن بخامس درجة
حب الحياة بسادس درجة
حب عدوي بسابع درجة
إذا عشت المحبة بعكس وجه الرب
وبتخد دربه

الكلمة أكبر أثمن لغة فيها بتقدر تبني جسور
حتى تخلّي الدنيا أحلى بتحكي بأحرف كلها نور
ما تستعمل كلمة كذبة هيّي صعبة وفيها شرور
كلمة حب بتخلق نعمة كل الدنيي بتزور
بكلمة بتجرَح قلب بكلمة بتسامح من قلبك
بكلمة بترسِم درب ما بتزول
بكلمة بتزرع حب وبتخبِّر عن ياللي حبك
بتشهد لقلب الرب على طول
يسوع الكلمة

ما تضلك عايش بالغش ما لا بتهش ولا بتنش
كيف مستقتل تطلع الأول وأخرتا رح تطلع طش
طش طش طرشك طش طرشك طرطشطش
لما تغش بتغش نفسك ومفكر ما حدا شايفك
الله اللي هوي عارفك دروس لوحد فلفش نبش
كيف بدك تتعامل عامل إذا عشيتك رح تزعل
كون صادق معك أفضل ما نصير أصحاب وما نفرفش
الغشاش خيوا للكذاب تنين بيعشوا بعذاب
الغش والكذبة أعز أصحاب فتش غ غيرن فتش

يحق لي أن أعرف لما أنت غاضب مني
يحق لي أن أعلم ما سبب بعدك عني
ولكن لا يحق لكلينا على عكس ما تربينا
أن نجرح أن نعنف أن نضرب أن نحقد
فالرب يدعونا أن نحب عدونا
فكيف بالأحرى من كان أخًا حنونًا
يحق لي أن أعرف لما تتمنى لي القصاص
يحق لي أن أفهم لما تغير تجاهي الإحساس
ولكن لا يحق لكلينا على عكس ما تربينا
أن نثرثر أن نكسر أن نكره أن نشهر

بالعيد مُنطر عيدية والعيد من الله عطية
القرار- الهدية مش هيي العيد العيد هوي الهدية
1- بالعيد بيهودنا لعبة هدية محطوطة بعلبة
بس الفرحة لبقلبي بتبقى أكبر عيدية
2- الاجتهاد بيجيب نجاح هدية الرب مع كل صباح
الزكا الصحة والكفاح والعيد بيصير يومية
3- رفاق أصحاب وجيران والرب علينا سهران
هدية من ابن الإنسان علمنا الإنسانية

يا صديقي شو ها القصة ع طول بشوفك زعلان
أنا راح خبرك سر صغير تيضله قلبك فرحان
لو عندك مية لعبة مش راضي باللي عندك
حتى ولو صاروا ميتين راح بتضلك ملبك
وإذا عندك لعبة واحدة قانع وراضي فيها
بتفرح باللي عندك ياه وبتشكر الله عليها
هيدا هوي سر اللعبة تيضله قلبك فرحان
ما تشوف غيرك شوف شو عندك
ما توقف لحظة الشكران
وإذا عندك لعبة واحدة قانع وراضي فيها
بتفرح باللي عندك يا وبتشكر الله عليها

يا رفاقي يا صغار شو بعمل محتار
قالوا لي تا خبي الخبرية بقلبي
بس بيني وبين ربي ما عندي أسرار
أمبارح بسهرية قعدوا أمي وبيه
حكيولي خبرية عن واحد سر سار
بيحكي عن رفقاتوا وعن أهله وخياتوا
من كثر حكاياتوا بلا رفقة صار
قالوا لي بس أسمع شي شغلي أو أقشع
ما بيشَوي روح أطلع تللي الدنيا خبار
وإن حدا ندهلي وخبرني عن شغلي

أنا كنت كتير ضعيف وأخطائي فوق المية
قلت بدي كل شي عيف وضعفي عيش بحرية
لحد ما سمعت عن يسوع كيف غير القضية
قوي على الموت وقام وانتصر على الخطية
شجعني وخلاني نام وبالتغيير عندي نية
الله خلقني ع صورته ومثاله عطاني هدية
يعني قادر متله كون وأغلب الضعف الفيَّ
بدي أشبهه بالخير وما فكر بأنانية
الكسل حطه على جنب وشارك اللي حواليي
القساوة واللامبالاة بحط مكانن حنية

لأنك سهران عليَّ وملايكة من حواليَّ
ومدفي إيدك إيدي صار فيَّ نام
لأنك خالق الدنيي وكل شي فيها بيطمني
بتخاف عليَّ أكتر مني صار فيي نام
لأنك خالق الدنيي وكل شي فيها بيطمني
بتخاف عليَّ أكتر مني صار فيي نام
إجا الوقت حتى ننام
It is time for us to sleep
Il est temps de dormir

بدي أعطي فرصة لله بحياتي
بدي ربي هو يكون السيد على ذاتي
بدي أنسى همومي وعدد كل امتيازاتي
بدي أقوى على ضعفي وملذاتي
عندي فرصة مع يسوع