مرنم عادل حبيب (155 ترنيمة )

القرار – (وفي لحظة هانبقى على السحاب
والفاسد يلبس عدم فساد)2
نتجمع ونعيش في بيت الآب
(ونترك هنا أرض الأتعاب)2

1-(عند سماع البوق الاخير
بوق الله الحي القدير)2
اللي بدمه نُلنا التبرير
وغلبنا إبليس الشرير
هانعيش دايماً على طول معاة
اللي فدانا واحنا خطاة
(واللي بحُب بنستناه
على السحاب احنا هانلقاه)2
على السحاب احنا هانلقاه
2-(يسوع هاينزل من السماء
واحنا هانُخطف ونبقى معاه)2
ونقابل الرب في الهواء
بموكب مجد يا محلاه
اللي في بيته هايهنينا
واللي هايمسح دمع عينينا
(واللي بروحه عايش فينا
أحلى مكان أعده لينا)2
أحلى مكان أعده لينا
3- (ويوم ما نشوف المدينة الجديدة
نازلة من السماء مقدسة ومجيدة)2
كعروس مزينة نفرح بيها
مسكن الله مع الناس فيها
هانكون شعبه وهو إلهنا
نوره وعرشه يكون في وسطنا
(مفتوحة دايماً لينا أبوابها
ويسوع بنفسه ها يكون سراجها)2
ويسوع بنفسه ها يكون سراجها
4-(طوبى للي يصنع وصاياه
يعطيه سلطان على شجرة الحياة)2
بابه مفتوح لكل الخطاة
وحده يسوع مُعطي الحياة)2
قرَّب منه تعيش في أمان
هايكون سلامك كل زمان
(يدِّيك قوة على الشيطان
وحده يسوع يدّيك سلطان)2
وحده يسوع يدّيك سلطان

1-(نفسي يكون مغروس إيماني في عمق صخرة
نفسي يكون كل كياني من حُبك يِروَى)2
(تبقى انت مصدر حياتي تبقى انت كل طِلباتي)2
يا يسوع

القرار- (نفسي أحبك بقلب طفل يحب أبوه
تبقى انت ليه دايماً كل اللي حبوه)2

2-(نفسي يكون عمري وحياتي لمجدك انت
وبكل تواضع أترك مالي واختارك انت)2
(تبقى انت رئيس حياتي وأوهب ليك عمري اللي باقي)2
يا يسوع
3-(نفسي تكون سراج حياتي اللي أسلك بيه
وكلامك يبقى لي طعامي اللي أعيش عليه)2
(أوهب ليك كل طاقاتي أعيش في مخافتك كل أوقاتي)2
يا يسوع
4-(نفسي يكون ليَّ ثِمار أساسها انت
أثبت فيك ولا أنهار حمايتي انت)2
(وأعيش ليك ربي وإلهي أحتمي فيك كل حياتي)2
يا يسوع

1- (اوعى تخاف لحظة وانت مع الله
أو تشك لحظة إنه هو تركك
مهما جت عواصف وهبِّت الرياح
وعده ليك ديماًإنه هو سندك)2
(لية الحزن مالي قلبك لية
لية قوم اطرح كل همك عليه)2
صدقني ليك رجاء فيه

القرار - قوم افرح وما تحزنشي ده إلهك هو المُحيي
اللي بيوعد وبيوفي وعنك ما يبقى بعيد
اللي حاسس بيك وبوجعك كان زيك جرب تعبك
وفي كل الأحوال جنبك هايصنع أمر جديد

2- (ثِق دايماً في مشيئته واثبت فيه
مهما كانت المحنة هايسرع لمعونتك
ده محاوطك بحُبه وانت في عينيه
طول مشوار الرحلة مين يقدر يمسك)2
(لية قلبك مكسور حزين لية
لية قوم اطرح كل حملك عليه)2
صدقني ليك رجاء فيه
3- (هو إله قدير وفي إيده السلطان
هو اللي بيستخدم الأمور لخيرك
عيش دايماً بفرحه واترك الأحزان
امسك إيده وهو عمره ما هايسيبك)2
(لية بائس في كل لحظة لية
لية قوم ألقي بكل همك عليه)2
صدقني ليك رجاء فيه

القرار – (حُبه ملا قلبي بصليبه نجّاني
عايش وإليه حبي اللي حمل أحزاني)2

1- (فاكر يوم ما أخرجني من بيت العبودية
لما جِه ومات عنّي وحررني من الخطية)2
2- (ميثاقي ميثاق السلام من عند إلهي و ربي
اللي حارسني وما بينام وهو في غربتي سندي)2
3- (ماشي معايا في الطريق ما ينسى ولا يتركني
عمري ما أشوف زيه صديق أبداً ما اتخلى عنّي)2
4- (هو إلهي اللي صانعني هو الحي إلى الأبد
هو اللي عملني و أنشأني وحبني إلى الأبد)2

1- (لماذا ضربتنا ولا شفاء لنا
أنتظرنا السلام فلم يكن لنا
وزمان الشفاء فإذ رعبٌ لنا
قد عرفنا يارب خطايانا وشرنا)2

القرار – (وإن تكن آثامنا تشهد علينا يارب
فاعمل لأجل اسمك لأن معاصينا كثرت
إليك اخطأنا يارب وقد دُعينا باسمك
لا تترك يا إلهنا لا تهن كرسي مجدك)2

2- (للقلق دفعتنا وبيدك زريتنا
وليس من يميل ويسأل عننا
أوقعت لنا رعبٌ وغابت شمسنا
اذكرنا وتعهدنا وتعالَ خلصنا)2
3-(أساءنا في عملنا وكثر عنادنا
فما أخذنا سوى ضيقاتنا
عرفنا يدك عرفنا جبروتك
عرفنا أن يهوه القدير اسمك)2
4-(انت هو ربنا انت إلهنا
فلا تجازينا حسب أعمالنا
نحن شعبك انت فديتنا
ودائماً يا رب انت تحبنا)2

القرار – (وجدنا الذي كتب عنه موسى في الناموس والأنبياء
يسوع المسيح الذي من الناصرة)2

1- النور الحقيقي الذي يُضيء في حياة الإنسان
يسوع المسيح الذي من الناصرة
2- ابن الله الحي الذي يُحيي وهو واهب الحياة
يسوع المسيح الذي من الناصرة
3- روح الله الذي قد أتى بجسد من السماء
يسوع المسيح الذي هو من الناصرة
4- طريق الخلاص الذي يُنجّي من هلاك الجحيم
يسوع المسيح الذي من الناصرة
5- الذي صار من نسل داود من جهة الجسد
يسوع المسيح الذي هو من الناصرة
6- وتبرهن إنه ابن الله بالقيامة من الأموات
يسوع المسيح الذي من الناصرة
7- من يُقبِل إليه لا يخرجه بل يعطيه الحياة
يسوع ابن الله الذي من الناصرة
8- من آمن به ولو مات هو يمنحه الحياة
يسوع ابن الله الذي من الناصرة
9- حامل كل الكون بكلمته بكلمة قدرته
يسوع ابن الله الذي من الناصرة

1- لو أرضي صبحت كلها أشواك
هَافضل أرنم ولغاية ما ألقاك
كل ضيقاتي تعدّي يا ربي معاك
ياللي حزني شِلته تاج أشواك

القرار- (هاعدّي وقت تعبي بتسبيحي لاسمك
هاهلّل وهارنم وأفتكر بس حُبك) 2

2- لو عمري عيشته وأنا دايماً في ضيقات
انت في قلبي أحلى الترنيمات
قُلت يا ربي أعظم الكلمات
بضيقات كتيرة هادخل السماوات
3- طريقي ضيق لو مهما ضاق ليَّ
متعزي وواثق فيك يا فاديَّ
ولا عمر دوي يشمت يوم فيَّ
لأنك انت أغلى ما ليَّ
4- ثقتي في شخصك تمشّيني في النور
معاك أعدّي وأغلب كل شرور
أمانتك انت مَلِّت القلب سرور
وصلاتي دايماً قدامك كبخور
5- رحلتي دايماً معاك أحلى حياة
لأنك انت بتمنحني رجاء
انت إلهي وربي ليس سواه
راعي حياتي اللي عارف نِداه

القرار - يامن لا تحجب وجهك عن طالبيك
وكل اللي عايزه مني إني أأمن بيك
إنك تقدر تفعل وبأمرك راح يكون
سيدي سيدي سيدي الحنون

1-راكع قدامك طالب سلامك
عارف حنانك إنه مالوش مثيل
اسمعني صوتك خليني أشوفك
وأسكن حصونك وإيماني يكون دليل
ده أنا ياما هربت منك وأتكلت على نفسي
وحسبت بكره ده ملكي وإني ملك نفسي
وما عملتلكش حسابعِشت الأيام في عذاب
وأنا جاي لك غيَّرني
2-علمني أحبك وأشبع بحُبك
وأكون في قُربك دايماً في طاعة ليك
خليني أكون لك اشبعني منك
أعيش في حضنك وحمايتي تكون فيك
انت تكون إهتمامي وأوهب أنا ليك عمري
املك على كل أيامي وبحقك حررني
ده العالم كله خداع ولكل أحبابه باع
وأنا جايلك غيرني
3-بالروح قوِّيني انزع آنيني
جايلك احميني من كل كبرياء
انت اشفيني وارفع جبيني
وكن مُعيني وانت تبقى الرجاء
علمني أحب غيري زي انت ماحبيتني
ياللي سددت ديني تعالَ واملكني
خليني أعيش مسئول وبكلامك أقول
وأنا جايلك طمني

القرار- (هافرح في آلامي)4.. بحق الإنجيل اللي قواني
اللي خلّاني احتمل الآلام.. ربي يسوع اللي خلصني
اللي نجاني من الآلام.. (هافرح في آلامي)2

1- هافرح في آلامي وهاتحدى كل الصعاب اللي موجهاني
هافرح في آلامي وهاتقوى لأجل إنجيل الخلاص الغالي
اللي أحيتني بيه وبقيت إنسان اللي أنذرت بيه كل إنسان
(هافرح في آلامي)2
2- هافرح في آلامي و أنا غالب اللي معايا أقوى من أعدائي
وقت الحرب عنّي يحارب في الأحزان ألاقيه هو عزّاني
اللي ضماني فيه كل الحياة اللي حياتي فيه وهو الحياة
(هافرح في آلامي)2
3- هافرح في آلامي وليك عايش لو كل أيامِي كانت لضِيقاتي
وبنور إنجيلك أنا عايش ده كلامك اللي دايماً فيه أماني
عبد أمين لسيده طول الحياة وزناتي أربح بيها لملكوت الله
(هافرح في آلامي)2
4- هافرح في آلامي وهاتقدم فوق السدود اللي مواجهاني
هافرح في آلامي وهاتقدم حياتي ملكك يا يسوع الفادي
اللي دايماً معاك فرح وسلام اللى دايماً بالاقيه فرح الأيام
(هافرح في آلامي)2

1- (ما تقولش الوقت عدى والحال بقاله سنين
دي إيدين يسوع بتشفي كل يائس حزين)2
ما هو اللي بيشوفك ويتحنن عليك
الناس يشوفوك يعدوا وهو ينده عليك
ثق فيه وقوم هو بيناديك

قرار –يسوع موجود لشفائك قوم بسرعة انده عليه
(ده مهما كان سيء حالك إيدين يسوع تداويه)2

2- (ماتقولش ظروفي قاسية والكل تركني وحيد
ده إلهك شايف حالتك وصانع لك أمر جديد)2
ماهو اللي عشانك أتنازل عن سماه
علشان يقول قربله منه هو الحياة
ثِق فيه وقوم هو بيناديك
3- (ما تقولش الدنيا ضلمة ومش شايف غير أنين
ده إلهك عندة سعادتك ومنتظرك من سنين)2
اللي ظهر جوه النار وعمره ما ترك ولاده
حتى الدم اللي سال محفوظ عنده في سمائه
ثِق فيه وقوم أتمتع بلقائه
4- (ما تقولش ماليش رجاء وإلهي خلاص نسيني
اللي معاك في كل لحظة بيقول حافظك يميني)2
ده بروحه قريب منك وأقرب منك إليك
وبينزع همومك عنك وبيمسح دمع عينيك
ثِق فيه وقوم هو بيناديك