فريق الحياة الأفضل (1029 ترنيمة )

١- عايز أقضي حياتي في قربك وقت هنايا ووقت آلامي
عايز أتمتع ربي بشخصك (ويزيد فرحي بيك وسلامي)٢

القرار- (مش ممكن يشبعني العالم حتى ولو حقق طلباتي
باطل فاني وقبض الريح لكن ربي بيغني حياتي)٢

٢- مش ممكن تحنيني تجارب وإنت الرب إلهي راعيَّ
ياللي ضمنت حياتي هاتقدر (تضمن لي الأيام الجاية)٢

٣- وإن بدا قلبي يميل للعالم ييجي حبيبي ويهمس ليَّ
ده أنا حررتك لي أخترتك (وبقيت إنت الغالي عليَّ)٢

١- بالنعمة أنا صرت مخلَّص مابقتش أسير
وبصلبك إنت اتبنيتني خليتني أمير

القرار- دي نعمتك مغطياني كل أيام الحياة
وبصلبك مستورة آثامي شلت عني الآثام
(مديون ليك ربي وحبيبي نجيتني من الموت والهلاك)٢

٢- بالنعمة واقف قدامك يا ملك الملوك
وصوتي رافع لجلالك اديتني قبول

١- أبانا ياللي في السما رافعين إيدينا ليك
مالناش يا رب إله إلاك وقلوبنا ترحب بيك

القرار١- (ليتقدس اسمك)٣
قدوس في وسطينا

٢- ويجي يا رب ملكوتك ونعيش ليك أيامنا
زي ما غفرت خطايانا نغفر لبعضينا

القرار٢- (ليأتِ ملكوتك)٣
يأتِ في وسطنا

٣- وتتم يا إلهنا مشيئتك زي السما على الأرض
وخبز اليوم يكفّينا ولا تكسر تجربة حد

القرار٣- (وحياتنا تكون في مشيئتك)٣
سيد في وسطينا

٤- الملك ليك مجد وقوة إلى أبد الآبدين
باسم إلهنا الحي القدوس والشعب يقول آمين

القرار٤- (الملك ليك والقوة)٢
إلى أبد الآبدين

١- بنفخة منك تدي حياة خالق الأرض والسما
من طين الأرض صنعت إنسان تخضع ليك كل الأكوان

القرار- إلهي حي إلهي قدير أزلي أبدي إلهي مشير
إله عظيم إله قدوس بتنحنيله كل الرؤوس

٢- أنقذت شعبك من فرعون كنت هناك وسط الأتون
حضورك كان في جب الأسود مجدك في كل مكان بيسود

٣- في بطن الحوت كنت النجاة من الموت اديت حياة
تسمع صراخي في الصلاة يخرج تسبيحي من الشفاه

١- كل الكون والمخلوقات بتسبحك رب القوات
خلقت أرضنا والسماوات بكلمة من فمك
عالي وفوق كل المحدود وبلمستك صار لينا وجود
وجودنا ده لأنك موجود إلهنا مين زيك

القرار- (يرتفع صوتنا بتسبيحك وإنت في وسطينا
نتملي بروحك وننظر مجدك بعينينا)٢

٢- فيك اتلاقى كل جيل معروف اسمك جيل ورا جيل
وفي المهابة مالكش مثيل والكل يخضعلك
إنت إله عادل ورحيم في القدرة مين زيك يا عظيم
تسبيح قلوبنا والترنيم ذبيحة حمد ليك

١- مؤمنين بالفدا ومحبوبين
مش خايفين بالإيمان مش متروكين
مطروحين ومش يأسين
وبجناحك محميين من الشرير

القرار- يا قدير وحدك صاحب السلطان
والمصير في إيدك مش إيد إنسان
وإحنا مش في مهب الريح
إحنا جزء من المسيح القدير

٢- أقوياء بقوة دم الحمل
والإيمان يقدر ينقل الجبل
فيك رجانا والأمل
وإنت تكمل العمل والتحرير

٣- الحصون هانشوفها وهي بتنهار
بعد الليل دايماً هايجي النهار
بالتسبيح تقع الأسوار
إنت يا إلهنا جبار وقدير

١- (فخر الكنيسة وجمالها سيدها المسيح
وصليبه وخلاصه الكفاري بيه غالبين
أطفال وشباب وشيوخ ليه بفرحة مسبَّحين
خلانا جسده وكرمته بيه مفديين)٢

القرار- بالهتاف بالهتاف بالهتاف
نعلن اسمه في كل الأرض بدون ما نخاف
ونقدم له الغالي وكل الأهداف
نبني معاه في ملكوته نرد المسبيين
نخلع كل الزيف قدامه لأنه النور
نشبع جوه حضوره ويجبر المكسور
نملك أرض جديدة ويفك المأسور
وبتترد نفوسنا لو في البُعد سنين

٢- (فخر الكنيسة وثباتها وعد المسيح
لو حتى تزول الأرض هايفضل هو أمين
بالوعد نخوض في معارك الروح مالكين سلطان
وندوس حيات وعقارب ما إحنا معاه وارثين)٢

١- (املك في القلوب علّي صوتك فينا
نوّر العيون وبروحك جدد فينا)٢

القرار- اخلق حياة تشهد عن إله عظيم زيك يا الله

٢- (قدِّس أوانينا واعكس مجدك فينا
نبني في ملكوتك مشيئتك تمم بينا)٢
٣- (املانا بسلطانك تصنع عجايب بينا
ترسلنا فعلة لحصادك ونفوس تتجدد بينا)٢