فريق الحياة الأفضل (1029 ترنيمة )

١- (وأنا عليل في ليل طويل.. وعدك دليل راح يهديني
وألقاك بنور بتشق سور.. حزني اللي كان بيبكيني)٢
وأرتوي بغناك وأرتمي في حماك.. لما أفتكر ضعفي بمرار
(وألقاني فيك نقش في إيديك.. أشبع أمان في وسط نار)٢
في وسط نار
٢- (وفي قلب الخوف غيرك ما أشوف.. أجي ارتمي بحملي عليك
وأنسى البكا لما الشفا.. يبقى سكيب ما بين إيديك)٢
وأعيش وياك شبعان بلقاك.. اسمك بيجري في العروق
(تشفي وترفع تسبي وتجعل.. أنهار مياه بين الشقوق)٢
بين الشقوق

١- أنا ماشي وعارف إني معاك
أنا واثق في وعودك وفداك
مش خايف نصري أكيد ده أنا في حماك
أنا هاســــــتناك
٢- أنا ضامن عمري معاك والأيام
وضماني ده شيء أكيد وسط الزحام
أنا شايفك بتحبني وتدي سلام
أنا هاســـــــتناك
٣- أنا عارف إنك جاي على الأبواب
يا هنايا بالقاك على السحاب
هاتهلل لما أشوفك مع الأحباب
أنا هاســــــــتناك

يا رب إنت عارف إني أنا لسه صغيَّر
في حاجات ساعات بتخوِّف وحاجات كتيرة بتحيَّر
لكن أنت واعدني زي ما كلامك بيقول
إنك تديني سلام يفضل في قلبي على طول
حتى لو الأرض اتهزِّت تحتيَّ أنا عارف
إن ملايكتك حواليَّ
مكتوب إن اسمي منقوش على كفك ليل ونهار
إنت عينك عليَّ

أنا يا يسوع لما أفكر.. حبيتني قد إيه؟
قد إيه؟ قد إيه؟
هافضل طول عمري أشكر.. وحبك أفرح بيه
أفرح بيه.. أفرح بيه
حبيتني من زمان.. وانا ماستاهلش حنان
ونزلت من السما.. في صورة إنسان
وعشان حبك عجيب.. رضيت موت الصليب
وصرت ليك قريب.. وابن كمـــــان

يا ناس أنا قلبي اختار يا صغيرين وكبار
حبيب القلب اسمه يسوع البار
الناس اختاروا المال أو اختاروا الجمال
لكن حبيبي اسمه اسمه يسوع البار
حبيب القلب اسمه اسمه يسوع البار

١- (هيا نرتل بالتهليل.. مبتهجين مع الإله الحيّ
بالتسبيح وبالترتيل.. خير وسلام كل الأيام
لكل شعب الرب سلام)٢
سـلام سـلام سـلام

٢- (هيا نرتل بالتهليل.. مبتهجين مع الإله الحيّ
بالتسبيح وبالترتيل.. بكل القلب وعمق الحب
لمجد الرب على الدوام)٢
تسبيح تسبيح تسبيح

١- إنت الحقيقة.. في عالم مليان زيف وأوهام
حقــــك يحـــــرر.. وفي نـورك تنهار أسـوار ظـلام

القرار- زي عيـــون العـبيد.. يـا سيـد عيـــوننا إليــك
نتغير لمجدك وصورتك.. وحياتنا هانعيشها ليك

٢- إنـت الطــــريق.. والنــور الحقيقـي للحـــياة
واللي يجي لك.. أحشاؤه تفيض أنهار مياه

٣- إنـت أبـونــــــا.. راعـينا الصــالح خـبـز المسير
راحـة التعـــابى.. وشافي القلوب ربي القدير

أشكرك يا الله لاستجابتك الصلاة أشكرك يا الله
أشكرك يا الله لاستجابتك الصلاة أشكرك يا الله
١- أنت الصالح والأمين تحفظ وعدك للبنين
بارفع اسمك بالترنيم ومديون ليك طول السنين
٢- كل يوم أقضيه معاك أطلب مجدك ورضاك
وأنت تسد الاحتياج ده ما فيش أكتر من غناك

١- أبداً ما بيبقاش العيد فرحة تعدِّي ولبس جديد
ولا جوابات وكلام يتقال ونقابل بعض الإيد في الإيد

القرار- لكن أنا بالرب يسوع طول أيام السنة فرحان
بقيت كل أيامي في عيد يوم ما قبلته بالإيمان
كل ما افكّر إزاي عني مات واداني خلاص مجاني
قلبي بيفرح بيه طوالي وأشعر إني في عيد من تاني
تاني تاني في عيد من تاني

٢- أبداً ما بيبقاش العيد تلعب تجري هنا وهناك
ناسي كلام الرب يسوع إنك عايش في خطاياك
٣- أبداً ما بيبقاش العيد لمّة وفسحة أو حفلات
بيها الشر يكون موجود والناس تسلك في الظلمات

القرار- إله الحب نجّاني.. بموت الصلب أحياني
(بروح القدس يَهديني.. يعزّيني ويرعاني)٢

١- فهل يا قوم من حبٍ.. نظير ذلك الحب
(برغم الشر والبعد.. لأجلي مات بالصلب)٢

٢- غدا ماضيَّ مستوراً.. وصار الإثم مغفوراً
(وفاض القلب تسبيحاً.. وتهليلًا وتقديراً)٢

٣- تعالوا واشهدوا الحب.. وذوقوا وانظروا الرب
(إلى الحياة يدعوكم.. فلبّوا وافتحوا القلب)٢