كل الترانيم بالكلمات (10847)

1- عايز أقضي حياتي في قربك وقت هنايا ووقت آلامي
عايز أتمتع ربي بشخصك ويزيد فرحي فيك وسلامي
ويزيد فرحي فيك وسلامي

القرار- (مش ممكن يشبعني العالم حتى ولو حقق طلباتي
باطل فاني وقبض الريح لكن ربي بيغني حياتي)2

2- مش ممكن تحنيني تجارب وانت الرب إلهي راعيَّ
ياللي ضمنت حياتي هاتقْدر تضمن لي الأيام الجاية
تضمن لي الأيام الجاية
3- وإن بدا قلبي يميل للعالم ييجي حبيبي ويهمس ليَّ
ده أنا حررتك ليَّ اخترتك وبقيت انت الغالي عليَّ
وبقيت انت الغالي عليَّ

1-عايز أقضي حياتي في قربك .. وقت هنايا ووقت آلامي
عايز أتمتع ربي بشخصك .. (ويزيد فرحي فيك وسلامي)2

القرار- (مش ممكن يشبعني العالم .. حتى ولو حقق طلباتي
باطل فاني وقبض الريح .. لكن ربي بيغْنِي حياتي)2

2- مش ممكن تحنيني تجارب .. وانت الرب إلهي راعيَّ
ياللي ضمنت حياتي هاتقدر .. (تضمن لي الأيام الجاية)2

3- وإن بدا قلبي يميل للعالم .. ييجي حبيبي ويهمس ليَّ
ده أنا حررتك ليَّ اخترتك .. (وبقيت انت الغالي عليَّ)2

1- (عايز اقعد قدامك أفرح وأشبع بيك
أصغي لكل كلامك أنا متعلَّق فيك )2

القرار– ( أنا ماليش غيرك انت يا خيري في أيامي
أنا ما ليش غيرك انت يا عزايَ وسلامي )2
( كل رجايَ فيك وعينيَّ عليك وبقلبي باناديك يا إلهي يا راعيَّ )2

2- (هارفع صوتي وأرنِّم وأقولك مديون ليك
مهما أشكر وأتكلم مش ممكن أوفّيك )2

(عايز اقف عايز اقوم عايز قلب من غير هموم
حياتى دايماً باهتة بين الناس دايماً مظلوم)2
مفيش أى حاجة ليها معنى وتستاهل
مفيش أى حاجة تملا الفراغ الدايم
(لكن بيقولوا ده فيه إله عارف كل أمور الناس
هاتلاقي عنده أغلى حياة هاتلاقي شبع هاتلاقي خلاص)2
(عايز اعرف عايز افهم ازاي فيه إله أحكم؟
ازاي اروح و اوصل ليه؟ بيقولوا ده هو وحده الأعظم)2
لكنه مستناش على حيرتي و جالي وقاللي
يلا قوم تعالى سهل اوي إنك توصلي
(بس انت قدم قلبك ليَّ هاتلاقي مكانك عندي هدية
من غير ما تأجل أجري عليَّ هاعرف اشيل كل خطية)2

١- عايز أكرمك عايز أرضيك.. عايز حياتي تكون ملك ليك
عايز أعيش وأنا خاضع ليك.. في كل خطواتي متكل عليك

القرار- دربني في حقك علمّني الطريق
أنا عايز أعكس مجدك وأشبع قلبك
دربني في حقك علمّني الطريق أنا مستنيك

٢- افتح ليَّ عينيَّ أعلن قلبك.. املاني بمخافتك اكشف لي سرك
احفر في قلبي من نار عهدك.. واملا كياني بفيضان حبك

هامشي وراك بالإيمان.. ده إيماني فيك مش أحلام.. لا مش كلام!
حلمك لحياتي هايكون.. وكلامك ليَّ هايدوم.. هاشوفه في يوم..

عايز أكون مسيحي حقيقي (في قلبي)٢
عايز أكون مسيحي حقيقي في قلبي (في قلبي)٢
عايز أكون مسيحي حقيقي في قلبي
عايز أحب الناس من قلبي (من قلبي)٢
عايز أحب الناس من قلبي من قلبي
(من قلبي)٢ عايز أحب الناس من قلبي من قلبي

1- عايز أرجع تاني واترمى
في حضنك انت ومحضرك
أركع وأصلي و
أتروي حبي يزيد وأقدرك
(وأعيش معاك الوقت كله
واعرف مشيئتك من ده كله)2
تِثمر حياتي بيك وليك
والسعي يبقى مشترك
(أعمل معاك وأسعى معاك
وأحيا معاك وأفضل معاك)2
يبقى رجاي هو لُقاك
(في خلوة حلوة في محضرك)2

2- يارب ليه العمر ضاع
في حياة ملل من غير نفع!
وفيها قلبي مال كتير
وكتير وقع لما أرتفع
(راح فين إيماني بتاع زمان؟
راح فين سلامي والأمان؟)2
راح فين سجودي؟
وفين رجاي زي السحاب راح وانقشع!
(وبقيت باسلّم والضعف علِّم
ولا عُدت أرنم ولا عُدت أرنم)2
ولا عدت أقدر لكن باسلِّم
(وفي النهاية شخصك شَفَع)2

القرار - عايز أعيشْ العمر ليك إن كان يوم أو سنة
أكرّسها يا ربي ليك وأتميِّز بيك هنا
عايز أقدّر حُبك ليَّ انت ياما احتملتني
أبعد عن الخطية وأقدم لك نفسي

1- ده انت ياما صبرت عليَّ
وأنا خاطي عايش في هوان
وعيشت بفضل حُبك ليَّ
وسامحتني بعد العصيان
(وبحنانك رجّعتني و بسلامك غمرتني)2
وميِّزتني ولقيت مكاني في قلبك
وحفظتني وحاصرتني بحُبك يا يسوع
2- استنيتْني وجيت تلاقيني
فتحت لي حضنك بخلاص
واتغضِيت عن جهل سنيني
رفعت راسي وسط الناس
(ولأفراحَك أدخلتني وتوب البر ألبستني)2
وطمنتني وشفيت جراحي بعطفك
حررتني وشُفت اِرتياحي بقُربك يا يسوع
3- الوقت بقيت انت شفيعي
و جالس عن يمين الله
ولا عاد شيء يقدر يحْنيني
بعد ما خدت منك حياة
(ولا شيء راح يبعدني عن حُبك إيه يفصلني؟)2
واخترتني وبقيت دايماً معايا
وقبلتني ولقيت فيك الكفاية يا يسوع

(عايز اعيشها معاك وأخد قراراتي وياك)2
كل العالم بيشدني دايماً شهواتي تجرني
لكن كلامك بيردني
(أنت بتختار لي الأحسن مش ممكن تخليني أحزن)2
أنا عاوز أعيشها صح علشان أنت الإله الصح
وضامن لي حرية صح
(وبأيدك ترعاني بجد ولا يمكن أتوه واحتاج لحد
وبايدك ترعاني بجد و أمشيها معاك تاني بجد)2

1-(مع شعاع الفجر أشوفك
يملا كل الكون جمالك
يتملي القلب بسلامك
ألقى نفسي عايز أغني)2

القرار- أغني حبك حبك أسرني
أغني عطفك عطفك غمرني
أغني بحنانك أغني بجمالك أغني
أغني اسمك يا يسوع أغني

2-(تتكسي الوديان دهب
تنحي الأغصان لمجدك
يهتف الإنسان بحمدك
ألقى نفسي عايز أغني)2
3-(برق وفي صوت الرعود
تعلن إنك يوم تعود
تنحني النفس بسجود
ألقى نفسي عايز أغني)2
4-(لو في ليلة رفعت عيني
تُهت في نجوم الليالي
وقتها يبان ضعف حالي
ألقى نفسي عايز أغني)2