كل الترانيم (12961)

1- مرة في يوم والحر شديد تحت الشجرة جيت أرتاح
ضلة جميلة ونسمة رقيقة وكمان برضه الأرض براح
2- فجأة وأنا قاعد سرحان جت في وداني صوت عصفورة
صو صو صو صو فضلت تشكر اللي خلقها وبيه مسرورة
3- هو عايلها يوم ورا يوم ومشبعها ده خيره وفير
ده علطول فكرني بآية أنتم افضل من العصافير
4- قلت ساعتها أنا قد إيه غالي على قلب اللي فداني
هو أكيد في حياتي مرتب كل أموري ولا ينساني
5- علشان كده أنا لازم أشكر وأكتر من العصفورة كمان
ده مش بس يرتب أكلي ده رتب لي خلاص مجان

طفل صغير:- مرة قعدت وكنت خايف (جِه إبليس حواليَّ لافف
يكدب ويقوللي فى ودني مفيش أمان في مصر)2
إبليس:- بص وشوف بيحصل إيه هنا مظاهرة وهنا خناقة
(معقولة ربنا موجود وكل دول ملهومش حدود)2
اسمع كلامي وصدقني مفيش أمان في مصر
الطفل:- أنا مش عارف أنا كده خايف ياترى الكلام ده صحيح ؟
مفيش سلام ومفيش ضمان ومفيش أمان في مصر
المدرسة:- (لأ يا ابني إصحى وفوق إرفع عينك بص لفوق)2
(معاك يسوع يمسح دموع)2 يدي حماية ويدي أمان
الطفل:- (خلاص خلاص أنا مش هاخاف عشان معايَّ راعي الخراف)2
ولو جاني تاني يخوفني هاقوله إمشي إبعد عني
يسوعي قادر يحميني ويدي الأمان لأرض مصر

1- (مُرسَل من روحك وبقوتك
ومش خايف من أي شيء
كل اللي يهمني أخدمك
وانت حاميني طول الطريق)2

القرار – (ما أنا عمري في إيدك مضمون
والصعب معاك انت يهون)2
والخطر ده مهما يكون
أنا معايا قوة روحك

2-(مطمن جداً وانا جنبك
لأنك انت في مركبي
واثق دايماً فيك وفي حُبك
ده انت في عينك بتصوني)2
3- (مُرسَل بسلامك ربيوفرح
وبتعزيات منك ونور
بيك هافضل ساير لا أنطرح
شامخ وعالي زي النسور)2

1- (مرفوعين دايماً بإلهنا بالتسبيح مالي أفواهنا)2
(في سنين الجوع العُجاف محمولين فوق الأكتاف)2

القرار – (بالحب يضمنا ويبارك عمرنا)2
الرب أحن علينا من أبونا وأُمنا
2- (منتصرين دايماً بإلهنا وإيماننا بيه هو سلاحنا)2
(وسطينا يصنع قوات وما يعرفش المستحيلات)2
3- (منتظرين من يد إلهنا بركة تفيض فينا وتفرحنا)2
(أمامه يشبعنا سرور في حضوره حرية ونور)2

1. يا مركب الإيمان اتحضّري بنورك
دم الشهيد بيعلّي الميَّه في بحورك
قومي نزلي المجداف وعلميني ما أخاف
دمي يعديكي وتكملي دورك

2- يا مركب الإيمان دم الولاد كتير
وهاتوصَلي في ميعادك و تعوضي التأخير
(هانقدم الفلسين أو حتى دم ثمين
والبحر يفضل يعلى والمركبة هاتسير)2
يا مركب الإيمان
3- يا مركبة سيري في طريقي ولقدام
محفور وبكفوفي وبدمي مش بكلام
(هافتحلك السكة تثبت نفوس شاكّة
في قدرة الفادي يمنحها هو سلام)2
يا مركب الإيمان
4- وهاتوصلي يا مركب للشط والميناء
ده إلهك الطيب هو يعدينا
(يسند ضعيف مش قادر ويرد ظلم الغادر
بعد الألم والضيقة ترسى مراسينا)2
ترسى مراسينا

1-مرني أن آتي إليك رغم ذا الليل الرهيب
مرني أن آتي إليك مؤمنًا أيا حبيب
القرار- مرني أن آتي إليك هبني راحة لديك
فيك نفسي تستريح راحتي بين يديك
2-مرني أن آتي إليك رغم ثقل جسدي
مرني أن آتي إليك فوق ماء مزبد
3- إن تكل أعيني عينك دومًا تصون
إن تخني أرجلي قلبك دومًا حنون
4-واحملني سيدي أنت تحمل الفلك
واهدني يا منجدي لحماك أنا لك

1- مرني أن آتي إليك رغم ذا الليل الرهيب
مرني أن آتي إليك مؤمناً بك أيا حبيب

القرار- مرني أن آتي إليك هبني راحةً لديك
فيك نفسي تستريح (راحتي بين يديك)2

2- مرني أن آتي إليك والمياه طاغية
مرني أن آتي إليك رغم ريحٍ عاتية
3- مرني أن آتي إليك رغم ثقل جسدي
مرني أن آتي إليك فوق ماءٍ مُزبِدٍ
4- إن تكل أعيُني عينك دوماً تصون
إن تخُنّي أرجُلي قلبك ليس يخون
5- واحملنّي سيدي أنت تحمل الفَلَك
و ائت بي يا منجدي لحماك أنا لك

1- (مرة كنت قاعد لوحدي بافكر على راحتي عمَّال أدوَّر)2
(يا ترى أنا راحتي في التكبر ولا يمكن في التذمر)2

القرار - (فجأة سمعت صوت بيقول .. راحتك معايا أنا على طول)2

2- (قُلت في سري ده يبقى أكيد راحتي في قوة من حديد)2
(أو يمكن في قعادي وحيد أو حب المال الشديد)2
3- (لا ده يبقى مش ممكن يكون حب عادي لشيء في الكون)2
(دول أربع حروف وده المضمون)4
(ا ل ح ب )2 (من إلهي الحنان)4
الحب اللي من إلهي الحنان