كل الترانيم (12961)

1- بحياتي زي ما هي بعيوبي وبماضيَّ
أنا جايلك بالتجأ إليك واثق إنك فاديَّ
بخوفي وبيأسي وبفشلي من نفسي
أنا عند صليبك بارتمي حرّرني من ضعفي

القرار : يا يسوع أنا عايز أعيش ليك اديني قلب جديد
قلب يعرف يحبك يعرف يحس بقلبك
يعرف يقول للإثم لأ.. ( يعرف يكون ملكك)2

2- وبتوبة حقيقية بارجعلك م الخطية
اقبلني في حضنك من جديد واديني حياة أبدية
اغسلني وغيَّرني طهّّرني وبرَّرني
ده أنا تهت في بعدك وقاسيت محتاج لصوتك ليَّ

(هل لخاطي زيي ضعيف .. إنه ييجي لمحضرك؟
ماضيَّ صعب ومخيف .. والشر زاد وامتلك)2
(أنا عايز أجيلك ناديني .. افتحلي باب للرجا
أنا جُرحي نافذ وعيني .. مكسورة ومُحرجة)2
2- (أنا عارف إنه في دمك .. كسر قيودي الحديد
اقبلني عبدك وابنك .. اخلقني من جديد)2
(أنا عايز أجيلك وخايف .. أضعف تاني و ارجع
ضمني قول لي هاساندك .. وفي وقت الضعف هارفع)2
وفي وقت الضعف هارفع
3- (أنا جاي و أملي تكون لي .. أبويا وسندي الشديد
ماليش بديل تاني سواك .. أنت أملي الوحيد)2
(خليني أبلل كتافك .. بدموع توبتي وصلاتي
وأبدأ اليوم معاك .. بداية جديدة لحياتي)2

1 - شوق حياتى إنى أرضيك مديون قلبى ياربى
2- حبك ربى واضح لى شايفة دايماً فى حياتى
3- مهما كنت ولا بقيت شكرك واجب من قلبى
القرار - بأدعــيلك ربى يا حنان يا خالق نفسى ارحمنى
بأرجع أشكر مهما نسيت فإقبل شكرى يا ربى
جاى أمامك أحتمى بيك واثق فيك تغفر ذنبى
راجع ليك قلبى عطشان إقبل توبتى و أعنى
صحة جسدى وكل ما فى وتسديدك لحاجاتى

القرار- (بدل قلبي الحجر وادِّيني قلب لحم
قلب جديد ياربي تكتب انت فيه
بدل قلبي الحجر وادِّيني قلب لحم
قلب يعيش يحبك وتسكن انت فيه)2

1- (بعمل روحك غيَّر كل الداخل ليك
غيَّر فكري وقلبي وعلمني أعيش أرضيك)2
(خليني أعلن عنك وعن الحياة اللي فيك)2
بعمل روحك غيَّر كل الداخل ليك
2- (مد إيديك لحياتي احيي قلبي المكسور
وارحم ضعف حالي عمَّر حياتي البور)2
(جاي بإيماني ألمس حُبك ربي الغفور)2
مد إيديك لحياتي احيي قلبي المكسور
3- (جايلك حاسس بعطشي ارويني من الينبوع
جايلك وباعلن عجزي مد لي إيديك يا يسوع)2
(دي حياتي بعيد عنك كلها جوع في جوع)2
جايلك حاسس بعطشي ارويني من الينبوع
4- (ياللي أتقابل معاك الأعمى اديته عيون
ربي انا باستناك عارفك إله حنون)2
(انت ربي الحي وانت رب الكون)2
ياللي أتقابل معاك الأعمى اديته عيون

القرار – (بدلت حياتي بنظرة من الحزن للأفراح
وضمنت ماضيَّ وبكرة وبقيت عايش مرتاح)2

1-(أنا يومها صرخت سامحني واغفر لي كل ذنوبي
في الحال بدماك غطيتني وسترت لي كل عيوبي)2
2-(من يومها وعزي معاك بيزيد والقلب سعيد
أنا دُقتك يا محلاك وصار الكل جديد)2
3- (تستاهل انت يا غالي كلمات شكري وتسبيحي
ده مقامك عندي عالي ما انت ربي ومسيحي)2

زي ما جات لك يارب حَنَّة ساكبة القلب بدمعة وآنَّة
و بِتَضَرُع نادت عليك و اترجت تمد إيديك
(علِّم قلبي كمان يتأنى و أقعد قدامك واستنى
وأرسم ليك يارب صورة واتواضع وأخد مشورة)2
زي ما جات لك بقلب خايف بتحرك بس الشفايف
باصّة لشخصك المعبود و بتطلب منك بسجود
(أنا جايلك كمان وعارف إنك حِملي يارب كاشف
والطلبة معلومة أمامك واللي يصيبني ده برضو صابك)2
في آمَسْ اِحتياج لنورك أرجوك تملاني بحضورك
غيَّر شكلي يارب لشكلك تشتَّم مني ريحة سرورك
(وقت صلاتي وقت السكون باختلي بيك وانسى الكون
أسجد بخوف وجهك أشوف وألقى نفسي فيك مَصون)2

1- بدمك يسوع مَحَت خطيتي فُكَت حريتي برب النعمة

القرار - (بحبك العجيب موتاً فوق الصليب)2 نجونا من لهيب فشكراً يا حبيب

2- بصلبك يسوع خلَّصت المذنبين أحييت الهالكين كي يغدو قديسين
3- بموتك يسوع أريتنا فداك خَلِصنا من هلاك كي نحيا بِسماك
4- بجنبك يسوع حيث سال دمَاك لنا راحة هناك لحين ما نلقاك
5- وعدُ يسوع لي معكَ رُغم الظروف وقلبي العطوف يحميك من أُلوف

1- بدمك يسوع محت خطيتي فكت حريتي برب النعمة
القرار
(بحبك العجيب موتاً فوق الصليب)2
نجونا من لهيب فشكراً يا حبيب

2- بصلبك يسوع خلصت المذنبين
أحييت الهالكين كي يغدو قديسين

3- بموتك يسوع أريتنا فداك خلصنا
من هلاك كي نحيا بي سماك

4- بجنبك يسوع حيث سالت دماك
لنا راحة هناك لحينما نلقاك

5- وعد يسوع لي معك رغم الظروف
وقلبي العطوف يحميك من ألوف