كل الترانيم (12961)

١- باعترف قدامك يا يسوع المسيح
إني ماستحقش دماء الذبيح
سالت علشاني والصليب فداني
أنا راجع ليك بقلبي الجريح

القرار- توبة من قلبي اللي تاه عنك بعيد
توبة من قلبي لفاديَّ الوحيد
وأنت زمان ياما خبّطت على بابي
النهارده يا ربي هافتح قلبي وأبوابي

٢- باعترف قدامك بقساوة قلبي
والخطية سادت وأنا شايف ذنبي
وبرغم الخطية باجي باللي فيَّ
اقبلني أنا راجع بتوبة قلبي

١- باعترفلك بخطيتي اللي كاتمها جوايا
سنين عدت ساكنة ضلوعي لحد ما تيبس حشايا

القرار- انت ستر لي من الضيق بتحفظني
قلت إن عينك عليَّ في طريقي بترشدني

٢- طوبى للي اتغفر ذنبه واتسترت خطايا شبابه
وما يكون زي فرس جامح لأن الله ماسك لجامه

٣- اتكل على إلهك رحمته واسعة وبتفيض
افرح بيه في كل يومك ولا تصير للخطايا مريض

1- (باعترفلك وبقول لك أهانت اسمك كتير
وجاي أنا بقدم لك طوبى من قلبي المرير)2
القرار- (رافع عَيني عليك وبلهفتي مستنيك)2
(أشبعني ربي بكلامك أشهد وأعلن إحسانك)2
2- (جاي وببكي بعينيَّ اللي سالت بحور دموع
من كسرتي على نفسي لما بعِد عن الينبوع )2
3- (أيوه أنا جاي وبعلنها وبقولها بأعلى صوت
ده يسوع هو اللي قِبلني وحياني من بعد الموت)2

القرار- (انت شايل حملي لو زايد ومايل
انت قايل وعد لو كان حالي مايل)2
(انت أب ورب ومافيش ليك بدايل
باشكرك يا إلهي وباعد الجمايل)2

1-(انت أب بتستجيب أول ما أقول
انت رب بتختفي معاك الحمول)2
ده بجد حب حب أبدي ولا عمره زايل
2- (انت طيب حتى لما باسيب إيديك
بتقول لي طيب برضو هادور عليك)2
وقريب وكمان عمال تحايِّل
3- (انت جيت من سماك يا إلهي ليَّ
ومدّيت إيدك الحلوة لإيديَّ)2
وبقيت مصلوب علشاني والدم سايل

1- (أوقات كتير من غير تفكير باجري وراء خطتي
ويوم بعد يوم شروري تزيد وتضيع كمان أبديتي)2
القرار- (أنا جاي وباعلن ضعفي قدام جلالك وأنحني
فك قيودي نور غيومي ومن طريقي رُدني)2
قويني بيك واسندني ربي في محنتي
صلّح عيوبي واغفر لي أنت خطيتي
2- (أوقات كتير يغيب الضميروأنساك بأمر شهوتي
وافضل على حالي مافيش تغييروأخسر كرامتي بذلتي)2

القرار- (وباغني بين الناس أنا ليَّ إله عظيم)2
(أنا ليَّ إله عظيم )2
باغني بين الناس أنا ليَّ إله عظيم
1- (سامحني رغم إني عوَّجت المستقيم
ومحا صك ذنوبي وماضيَّ الأثيم)2
2- (أنقذني من الهبوط إلى حفرة الجحيم
وجدت أنا فدية في دمه الكريم)2
3- (إتراءف عليَّ إلهي الرحيم
وعلى الركبتين حملني كالفطيم)2
4- (من حوله أغاني تسبيح السيرافيم
لكن سامع مني الصلاة والترنيم)2

القرار- [(وباغني بين الناس .. أنا ليَّ إله عظيم)2
أنا ليَّ إله عظيم .. أنا ليَّ إله عظيم
وباغني بين الناس .. أنا ليَّ إله عظيم]2

1- (سامحني رغم إني .. عوَّجت المستقيم
ومحا صك ذنوبي .. وماضيَّ الأثيم)2
2- (أنقذني من الهبوط .. إلى حفرة الجحيم
وجدت أنا فدية .. في دمه الكريم)2
3- (إتراءف عليَّ .. إلهي الرحيم
وعلى الركبتين .. حملني كالفطْيم)2
4- (من حوله أغاني .. تسبيح السرافيم
لكن سامع مني .. الصلاة والترنيم)2

1- (ياللي حوّلت المرارة.. اللي في حياتي لترنيمات
حتى ضعفي و جهل قلبي.. مامنعش الإحسانات)2
(كل ثانية في عمري عدت.. لو هاتحكي تقول كتير
كل نبضة في قلبي غنّت.. بافتكرلك كل خير)2

القرار- (بافتكرلك بافتكرلك)2.. بافتكرلك كل خير

2- (احساناتك تاج و طوق.. على راسي وعلى قلبي
وجوهر التاج اللي فوق.. ده كله موت الصلب ربي)2
(ده اللي خلاني اجي ساجد.. و أحني رأسي وأقول صغير
بالصليب أنا صرت واجد.. في المسيح نعم المصير)2
3- (لولا مسكة إيدك إنت.. كنت أضيع ويا اللي ضاع
أنا مش أفضل من اللي.. خان وأنكر واللي باع)2
(قلبي مديون لك يا غالي.. عمري كله هاعيش أسير
نعمتك رأفت بحالي.. وراح تكمل يا قدير)2

1- (بافضل أبيعك من غير تمن وانت بدمك اشتريتني
وأجري عليك وقت المحن تمد إيديك تساعدني)2
بانكر حبك وأطعن جنبك وأنسى اللي كان
بانسى إيديك نظرة عينيك بانسى الأمان

القرار- (يا يسوع اغمرعينيَّانت ربي وفاديَّ
لا يمكن أنسى يوم إيديك الغالية ديَّ)2

2-(باخرج أعيش وسط الظلام وانت بنورك وهبتني
ولما بجهلى باحصد آلام ألاقيك في همي طمنتني)2
تمسح دموعي تلمس جروحي تملا الكيان
أمسك إيديك أسكن عينيك أعيش إنسان

القرار
باقدَّر يا غالي يا ربي يسوع ..
وقوفك معايا في وادي الدموع
باقدَّر وقوفك وسندة كفوفك ..
و نورك في ليلي وضيّ الشموع
باقدَّر يا غالي يا ربي يسوع

1- ده كام مرة شُفتك إله الأمانة ..
ما تقدرش تنكر في نفسك خِصال
لكن جوه قلبي معشش خيانة ..
وكان جوه فكري طموحي وآمال
فِضلت تداري وشرّي تواري ..
مع إني في جهلي رفضتك كتير
لأنك حبيبي وحبك طبيبي ..
ماقلتش لقلبي هاتِرجَع كسير
وجاني كلامك وجاب لي سلامك ..
وجيت باعترف لك وباسكُب دموع
باقدَّر يا غالي يا ربي يسوع

2- كتير كنت باعند واكسَّر كلامك ..
ما بافرقْش عن سائر المخلوقات
باحكِّم في رأيي وأضيَّع سلامك ..
و أخرة إرادتي خسارة وآهات
باحوِّش لنفسي وأكوِّم لنفسي ..
ومش عارف إني باحوِّش نفاية
ولما وصَلَت لأخري في يأسي ..
صرخت يا ربي وقُلت كفاية
ماعُدتش أسيبك هاتبّت في إيدك ..
ويبقى مكانك ده جوه الضلوع
باقدَّر يا غالي يا ربي يسوع

3- سنيني اللي فاتت مشيتها معايا ..
بتقنعني انك أماني الوحيد
و بهجة خلاصك بتملا سمايا ..
وبتقول لي إنك معايا أكيد
بترحم غبائي شرودي وفراقي ..
وترجع تفكرني انك معايا
بحبك تحاصِر وإيدك تناصِر ..
وصوتك يقول لي أنا ليك حماية
و جيت بانحِني لك وأقدَّر جميلك ..
وأقول لك حاوطني لآخر الربوع
باقدَّر يا غالي يا ربي يسوع